قازاقستاندىق قۇس وسىرۋشىلەرگە مەملەكەتتەن بەرىلەتىن سۋبسيديا تولىعىمەن توقتاتىلادى. سونىڭ سالدارىنان جۇمىرتقا قىمباتتايدى. 2022 جىلدىڭ باسىندا ون جۇمىرتقانىڭ باعاسى 700 تەڭگەگە دەيىن جەتۋى مۇمكىن ەكەنىن ساراپشىلار جوققا شىعارمادى، - دەپ حابارلايدى ”ادىرنا” ۇلتتىق پورتالى kazakh-zerno.net سىلتەمە جاساپ.
ساراپشىلاردىڭ ايتۋىنشا، قازاقستاندا ون قۇس فابريكاسىنىڭ جابىلۋى باعانىڭ وسۋىنە ىقپال ەتەدى. جابىلۋ بيزنەستىڭ رەنتابەلدىلىگىنىڭ تومەندەۋىنە بايلانىستى: قۇس ەتى قىمبات، وتىن قىمبات. ەگەر سۋبسيديا بولماسا جۇمىرتقانىڭ باعاسى ايتارلىقتاي كوتەرىلەدى.
ماسەلەن، سولتۇستىك قازاقستان وبلىسىندا قۇس وسىرۋشىلەر مەملەكەتتىك قولداۋدىڭ جوقتىعىنا شاعىمدانادى. ولاردىڭ جۇمىرتقا باعاسىن ەكى ەسە كوتەرۋدەن باسقا امالى جوق.
سولتۇستىك قازاقستاندا وتىز بەس قۇس فابريكاسى بار. قۇس ءوسىرۋ مەن ءوندىرىس شىعىندارى ارتىپ كەلەدى. وسىعان بايلانىستى كوپتەگەن ادامدار وسى سالادا جۇمىس ىستەۋدەن باس تارتادى.
2021 جىلى ازىق ەكى ەسە، ال ديزەل وتىنى ءبىر جارىم ەسە قىمباتتادى. ەگەر كەلەسى جىلى مەملەكەت قۇس وسىرۋشىلەردى سۋبسيديالاۋدان باس تارتسا، وندا جۇمىرتقا ەكى ەسە قىمباتتايدى. ەگەر سۋبسيديامەن ءبىر جۇمىرتقا 35 تەڭگەدەن باستالاتىن بولسا، سۋبسيادياسىز 50 تەڭگەدەن باستالاتىن بولادى.
وسىعان دەيىن وتاندىق قۇس فابريكالارىنا ءار جۇمىرتقاعا ءۇش تەڭگەدەن سۋبسيديا ءبولىندى. 2021 جىلى ولاردىڭ مولشەرى ەكى ەسە ازايدى. 2022 جىلدان باستاپ ولار مۇلدەم الىنىپ تاستالۋى مۇمكىن.
”ادىرنا” ۇلتتىق پورتالى
