الەۋمەتتىك جەلىدە قىرعىزستان ازاماتىن اقش پوليتسياسى اتىپ ولتىرگەن ۆيدەو تاراۋدا. بۇعان دەيىن اقش-تا 1993 جىلعى قىرعىز ازاماتىن توناۋ فاكتىسىنە قاتىسى بار دەگەن كۇدىكپەن لامار ايماعىندا اتىپ تاستاعانى جايلى حابارلاما تاراعان ەدى.
وقيعا 5 قازان كۇنى كلينتون ايماعىندا بولعان. قىرعىزستان ازاماتى پوليتسيادان قاشۋ بارىسىندا ءۇش كولىكتى قاعىپ، جول جيەگىندە تۇرعان جۇك كولىگىنە سوعىلعان. ۆيدەودا بەلگىلى بولعانداي قىرعىزستان ازاماتىمەن ەكىنشى قىرعىز ازاماتى سويلەسۋگە تىرىسادى. قىرعىز ازاماتى ونى كولىكتەن تۇسۋگە ۇگىتتەيدى، الايدا كۇدىكتى ازامات باس تارتادى. ءبىراز ۋاقىتتان كەيىن پوليتسيانىڭ اتقان وعىنىڭ داۋسى ەستىلەدى.
"الدىن-الا اقپاراتتار بويىنشا كوپتەگەن وقتىڭ اسەرىنەن ازامات قازا تاپقان. ءبىزدىڭ ەلشىلىك وقيعانىڭ ءمانىن انىقتاۋ ءۇشىن جەدەل ارادا اقش-تىڭ قاۋىپسىزدىك سالاسى مەن مەمدەپارتامەنتىنە سۇراۋ تاستادى. قازىر جاۋاپ كۇتىپ وتىرمىز", — دەدى قىرعىزستاننىڭ ءسىم وكىلى.
"ادىرنا" ۇلتتىق پورتالى
