قازاقستاندىق جاس ءانشى ءادىلحان ماكين «گولوس. روسسيا» بايقاۋىندا قازىلار القاسى مەن كورەرمەندەردى ءتانتى ەتتى، دەپ حابارلايدى «ادىرنا» ءتىلشىسى.
ول جوبادا اللا پۋگاچەۆانىڭ "نە وترەكايۋتسيا ليۋبيا" ءانىن ورىنداپ شىقتى.
وتانداسىمىزدىڭ ۆوكالدىق قابىلەتىن الەكساندر گرادسكي مەن ديما بيلان ەرەكشە باعالادى.
«مەن ديماشتان كەيىن ەشتەڭەگە تاڭعالمايتىن بولدىم. ال بۇگىن سەن مەنى ءتانتى ەتە الدىڭ. سەنىڭ جوعارعى رەگيسترىڭ تەنور، ورتا رەگيسترىڭ باريتون، تومەنگى رەگيسترىڭ تومەنگى باس سەكىلدى ەستىلەدى. بۇل وتە سيرەك كەزدەسەتىن جاعداي»،–دەدى گرادسكي.
ءادىلحان ماكين ءوزىنىڭ تالىمگەرى رەتىندە الەكساندر گرادسكيدى تاڭدادى.
ايتا كەتەيىك، بۇعان دەيىن ونەر يەسى "سلاۆيان بازارى-2019" بايقاۋىنىڭ گران-پري يەگەرى اتانعان ەدى.
«ادىرنا» ۇلتتىق پورتالى
