Qazaqstandyq jas ánshi Ádilhan Makın «Golos. Rossııa» baıqaýynda qazylar alqasy men kórermenderdi tánti etti, dep habarlaıdy «Adyrna» tilshisi.
Ol jobada Alla Pýgachevanyń "Ne otrekaıýtsıa lıýbıa" ánin oryndap shyqty.
Otandasymyzdyń vokaldyq qabiletin Aleksandr Gradskıı men Dıma Bılan erekshe baǵalady.
«Men Dımashtan keıin eshteńege tańǵalmaıtyn boldym. Al búgin sen meni tánti ete aldyń. Seniń joǵarǵy regıstriń tenor, orta regıstriń barıton, tómengi regıstriń tómengi bas sekildi estiledi. Bul óte sırek kezdesetin jaǵdaı»,–dedi Gradskıı.
Ádilhan Makın óziniń tálimgeri retinde Aleksandr Gradskııdi tańdady.
Aıta keteıik, buǵan deıin óner ıesi "Slavıan bazary-2019" baıqaýynyń gran-prı ıegeri atanǵan edi.
«Adyrna» ulttyq portaly
