تەمىرتاۋدا دۇكەننەن شامپۋن ۇرلاعاندار ۇستالدى، دەپ حابارلايدى "ادىرنا" ءتىلشىسى Polisia.kz-كە سىلتەمە جاساپ.
"2 قازاندا قاراعاندى وبلىسى تەمىرتاۋ قالاسىنىڭ پب شىعىس پوليتسيا ءبولىمىنىڭ قىزمەتكەرلەرى الەۋمەتتىك جەلىلەردى باقىلاۋ بارىسىندا توناۋ فاكتىسىن اشتى. بۇل ساۋدا ۇيلەرىنىڭ بىرىندە بولعان. بەينەكامەرادا تاۋاردى اشىق تۇردە يەمدەنگەن ەكى ادامنىڭ قىلمىستىق ارەكەتتەرى جازىلىپ قالعان. قىلمىسكەرلەر ساتۋشىدان جالپى قۇنى 10 مىڭ تەڭگە ءشامپۋننىڭ بىرنەشە بوتەلكەسىن الىپ كەتكەنى بەينەتاسپادا انىق كورسەتىلگەن",- دەلىنگەن حابارلامادا.
اتالعان فاكتى بويىنشا قر قك 191-بابى (توناۋ) بويىنشا قىلمىستىق ءىس قوزعالدى. 5 قازاندا جەدەل-ىزدەستىرۋ ءىس-شارالارى بارىسىندا كريمينالدىق پوليتسيا قىزمەتكەرلەرى كۇدىكتىلەردى – 28 جانە 32 جاستاعى ەكى ەر ادامدى ۇستادى. ولار قىلمىسىن مويىنداپ، قازىرگى ۋاقىتتا تەرگەۋ ءجۇرىپ جاتىر.
"ادىرنا" ۇلتتىق پورتالى
