اۋعانستان وزبەكستان، تۇركىمەنستان، تاجىكستان، يران سىندى بىرقاتار ەلدەرگە ەلەكتر ەنەرگياسى ءۇشىن $62 ملن قارىز. ەلدىڭ ەنەرگەتيكالىق كورپوراتسياسى — DABS بۇل ەلدەرگە ەلەكتر قۋاتىن وشىرمەۋ تۋرالى جانە شوتتار بويىنشا تولەۋگە ۋادە بەرۋ تۋرالى حاتتار جىبەردى، دەپ حابارلايدى "ادىرنا" ۇلتتىق پورتالى.
DABS بىرنەشە جىلدار بويى ەلەكتر ەنەرگياسىن تولەمەگەن جانە كوپ مولشەردە ەلەكتر ەنەرگياسىن تۇتىنعان بۇرىنعى ۇكىمەتتىڭ كەتىپ قالعان شەنەۋنىكتەرى مەن ساياساتكەرلەرىنىڭ ۇيلەرىن جانە باسقا دا مۇلىكتەرىن ساتۋعا شەشىم قابىلدادى. بۇل ماسەلەنى قىسقا مەرزىمدە شەشۋگە كومەكتەسۋى كەرەك.
- وسى ادامداردان تولەم الۋعا مۇمكىندىك بەرەتىن ساياسات ازىرلەۋ كەرەك. ونىڭ ارقاسىندا ءبىز ولاردىڭ مۇلكىن ساتا الامىز نەمەسە بالاما نۇسقالاردى تابا الامىز، - دەدى DABS وندىرىستىك ديرەكتورىنىڭ مىندەتىن اتقارۋشى سافيۋللا احمادزاي.
سونىمەن قاتار احمادزاي ەكسپورتتاۋشى ەلدەرمەن سويلەسكەنىن جانە ەلەكتر ەنەرگياسى ازىرگە ءالى وشىرىلمەيتىنىنە سەنىمدى ەكەنىن ايتتى. ەنەرگەتيكالىق كورپوراتسيا بۇرىنعى ۇكىمەت قۇلاعاننان بەرى كىرىس ءتۇسىمى 70% - عا تومەندەگەنىن ايتتى. DABS — ءتىڭ قازىرگى ديرەكتورى بۇگىنگى تاڭدا كومپانياعا 500 ميلليون اۋعاندىق - 5 ميلليون دوللاردان استام قارىز ەكەنىن مالىمدەدى.
ايتا كەتەيىك، قىركۇيەك ايىندا "تاليبان" وكىلدەرى جەكە بانكتەرگە بۇرىنعى مينيسترلەردىڭ، ولاردىڭ ورىنباسارلارىنىڭ، دەپۋتاتتار مەن قالا اكىمدەرىنىڭ شوتتارىن جاۋىپ، وسى شوتتاردىڭ ءتىزىمىن رەسپۋبليكانىڭ ورتالىق بانكىنە جىبەرۋدى بۇيىرعان بولاتىن.
"ادىرنا" ۇلتتىق پورتالى
