دۇنيەجۇزىلىك دەنساۋلىق ساقتاۋ ۇيىمى جاڭا شتامنىڭ 30-دان استام ەلگە تارالعانىن انىقتاعان، دەپ حابارلايدى ەك.
«پروفيل» جۋرنالىنىڭ جازۋىنشا، بۇل تۋرالى 19 شىلدەدە ونلاين-ترانسلياتسيا بارىسىندا ددسۇ توتەنشە جاعدايلار بولىمشەسى تەحنيكالىق توبىنىڭ باسشىسى ماريا ۆان كەركحوۆ ايتقان. كورونۆيرۋستىڭ جاڭا ءتۇرى ەڭ العاش رەت 2020 جىلدىڭ جەلتوقسانىندا پەرۋدا تىركەلگەن ەكەن.
ماۋسىم ايىنىڭ سوڭىندا «ليامبدا» شتامى ۇلىبريتانيادا انىقتالعان. دارىگەرلەردىڭ ايتۋىنشا، ۆيرۋستىڭ بۇل ءتۇرى تەز جۇعادى. ول جىلدام وزگەرەدى جانە سىرتقى جاعدايلارعا بىردەن بەيىمدەلەدى.