Aýǵanstan Ózbekstan, Túrkimenstan, Tájikstan, Iran syndy birqatar elderge elektr energııasy úshin $62 mln qaryz. Eldiń energetıkalyq korporaııasy — DABS bul elderge elektr qýatyn óshirmeý týraly jáne shottar boıynsha tóleýge ýáde berý týraly hattar jiberdi, dep habarlaıdy "Adyrna" ulttyq portaly.
DABS birneshe jyldar boıy elektr energııasyn tólemegen jáne kóp mólsherde elektr energııasyn tutynǵan burynǵy úkimettiń ketip qalǵan sheneýnikteri men saıasatkerleriniń úılerin jáne basqa da múlikterin satýǵa sheshim qabyldady. Bul máseleni qysqa merzimde sheshýge kómektesýi kerek.
- Osy adamdardan tólem alýǵa múmkindik beretin saıasat ázirleý kerek. Onyń arqasynda biz olardyń múlkin sata alamyz nemese balama nusqalardy taba alamyz, - dedi DABS óndiristik dırektorynyń mindetin atqarýshy Safıýlla Ahmadzaı.
Sonymen qatar Ahmadzaı eksporttaýshy eldermen sóıleskenin jáne elektr energııasy ázirge áli óshirilmeıtinine senimdi ekenin aıtty. Energetıkalyq korporaııa burynǵy úkimet qulaǵannan beri kiris túsimi 70% - ǵa tómendegenin aıtty. DABS — tiń qazirgi dırektory búgingi tańda kompanııaǵa 500 mıllıon aýǵandyq - 5 mıllıon dollardan astam qaryz ekenin málimdedi.
Aıta keteıik, qyrkúıek aıynda "Talıban" ókilderi jeke bankterge burynǵy mınıstrlerdiń, olardyń orynbasarlarynyń, depýtattar men qala ákimderiniń shottaryn jaýyp, osy shottardyń tizimin Respýblıkanyń Ortalyq Bankine jiberýdi buıyrǵan bolatyn.
"Adyrna" ulttyq portaly
