«تۇركىستان ارۋى» اتاعىن ۇلتتىق قازىلار القاسى 18 جاستاعى ءسۇلتانبيبى شاحاپوۆاعا بەردى، دەپ حابارلايدى "ادىرنا" سايتى.
العاش رەت ايماقتىق جارىستار ونلاين رەجيمىندە وتەدى. جۇلدىزدى قازىلار القاسى 10 ءفيناليستىڭ ساۋالنامالارىن قاراپ، ولاردىڭ فوتوسۋرەتتەرى مەن بەينە پرەزەنتاتسيالارىن كوردى، سونىمەن قاتار Zoom كونفەرەنتسياسىندا قىزداردان سۇحبات الدى. العاش رەت كورەرمەندەر قازىلار القاسىنىڭ وتىرىسى مەن قاتىسۋشىلاردىڭ جەكە سۇحباتتارىن كورۋدىڭ بىرەگەي مۇمكىندىگىنە يە بولدى.
قاتىسۋشىلاردى: اكتەر تاۋەكەل ءمۇسىلىم، ءانشى مادينا سادۋاقاسوۆا، «قازاقستان ارۋى - 2013» جانە تەلەجۇرگىزۋشى ايداي يساەۆا، KFW نەگىزىن قالاۋشى، ديزاينەر، ستيليست AlexChzhen.
سۇحباتتان كەيىن ءبىراۋىزدان قابىلدانعان شەشىممەن ءسۇلتانبيبى شاحاپوۆا تاڭدالدى. قىز قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىندە وقيدى. ول بولاشاقتا ينتەرەر ديزاينەرى بولۋدى جوسپارلاپ وتىر.
ءسۇلتانبيبى سۋرەت سالعاندى، ساياحاتتاۋدى جانە سۋرەتكە ءتۇسۋدى جاقسى كورەدى. ءۇش تىلدە ەركىن سويلەيدى: قازاق، ورىس جانە تۇرىك.
«ءبىز وتباسىندا جەتى ادامبىز. انام، اكەم جانە مەنىڭ 4 ءسىڭىلىم. مەن ەڭ ۇلكەنىمىن. مەنىڭ اكەم تۋريزمگە قاتىستى باسقا سالادا جۇمىس ىستەيدى، انام اراب تىلىندە اۋدارماشى، بىراق قوناق ءۇي بيزنەسىندە جۇمىس ىستەيدى . ءبىز وتە شىعارماشىلىق جانە ءپوزيتيۆتى جانۇيامىز. بالا كەزىمنەن مەن سىڭىلىلەرىمە قاراۋدى ءوز موينىما الدىم، سوندىقتان تەز جەتىلدىم. مەن مەكتەپكە ەرتە باردىم، سىنىپتىڭ كەنجەسى بولدىم، بىراق سونىمەن بىرگە مەن بارلىق ءىس-شارالارعا ۇنەمى بەلسەندى قاتىستىم. مەن ءوز قالامدى وتە جاقسى كورەمىن. قازاقستاندىقتار ءۇشىن تۇركىستان- ەرەكشە قالا، مەن بارلىعىن بىزگە قوناققا شاقىرامىن «،- دەدى ءسۇلتانبيبى.
"ادىرنا" ۇلتتىق پورتالى
