مەملەكەت باسشىسىنىڭ توراعالىعىمەن قاۋىپسىزدىك كەڭەسىنىڭ وتىرىسى ءوتتى

1810

جيىندا قازاقستان پرەزيدەنتىنىڭ امەريكا قۇراما شتاتتارىنا رەسمي ساپارىنىڭ ناتيجەلەرى مەن قول جەتكىزىلگەن ۋاعدالاستىقتاردى جۇزەگە اسىرۋ جونىندەگى شارالار قاراستىرىلدى.

– ءبىز بۇگىن قازاقستان دەلەگاتسياسىنىڭ اقش-قا رەسمي ساپارىنىڭ قورىتىندىسىن، سونىڭ ىشىندە اقش پرەزيدەنتى دونالد ترامپپەن، ۆيتسە-پرەزيدەنت مايكل پەنسپەن، باسقا دا باسشىلارمەن وتكەن كەلىسسوزدەردىڭ ناتيجەلەرىن تالقىلايمىز. سونداي-اق، ەلىمىزدىڭ مۇددەسى ءۇشىن بۇل ۋاعدالاستىقتاردىڭ ورىندالۋىنا سەپتىگىن تيگىزەتىن شارالاردى قاراستىرۋ قاجەت، – دەدى ەلباسى.

قازاقستان پرەزيدەنتى اقش-تىڭ ءىرى كومپانيالارىمەن جانە قارجى ينستيتۋتتارىمەن جاسالعان كەلىسىمدەردى ىسكە اسىرۋ ماسەلەلەرىنە ەرەكشە نازار اۋداردى.

– ءبىز امەريكالىق بيزنەس «كاپيتاندارىمەن» ناقتى ۋاعدالاستىقتارعا قول جەتكىزدىك. بۇلار ءبىزدىڭ ەكونوميكامىزعا، اسىرەسە يننوۆاتسيانى ەنگىزۋ، تسيفرلاندىرۋدى دامىتۋ جانە قازاقستانعا ينۆەستيتسيالار مەن جاڭا تەحنولوگيالاردى تارتۋ سالالارىنا تىڭ سەرپىن بەرەتىن بولادى، – دەدى نۇرسۇلتان نازارباەۆ.

سوڭىندا ەلباسى قازاقستان مەن امەريكانىڭ جوعارى دەڭگەيدەگى ديالوگى ەلىمىزدىڭ ەكونوميكاسىن دامىتۋ جانە وڭىردەگى قاۋىپسىزدىكتى نىعايتۋ تۇرعىسىنان ماڭىزدى ەكەنىن اتاپ ءوتتى.

مەملەكەت باسشىسى قاۋىپسىزدىك كەڭەسى وتىرىسىنىڭ قورىتىندىسى بويىنشا بىرقاتار ناقتى تاپسىرما بەردى.


akorda.kz


 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket