اۋعانستاننىڭ ورتالىعىنداعى دايكۋندي پروۆينتسياسىندا 300 تاليبان سودىرلارىنان تۇراتىن جازالاۋشى توپ حيدر ايماعىندا ارنايى وپەراتسيا وتكىزىپ، ۇلتتىق قاۋىپسىزدىك كۇشتەرىنىڭ بۇرىنعى 11 قىزمەتكەرىن ءولىم جازاسىنا كەسكەن. بۇل تۋرالى Amnesty International 5 قازاندا جاريالاعان ەسەبىندە حابارلادى.
اتىس كەزىندە جەرگىلىكتى تۇرعىندار دا زارداپ شەككەن. قازا تاپقان ANSF مۇشەلەرىنىڭ بارلىعى حازار ۇلتىنىڭ وكىلدەرى بولعانى جانە جاس ارالىقتارى 26 مەن 46 اراسىندا بولعان. بۇل حازارلاردى ءولتىرۋ بويىنشا ناقتى دالەلدەنگەن ەكىنشى وقىيعا بولىپ وتىر. بۇعان دەيىن گازني پروۆينتسياسىندا ءدال وسىنداي وقيعا شىلدەدە بولعان ەدى. تاليبان لاڭكەستەرىنەن بولەك حازارلاردى دايش سودىرلارى دا ءولتىرۋ جيىلەگەن.
Amnesty International باس حاتشىسى اگنەس كاللامارد: "بۇل سۇمدىق وقيعا تالىبتەردىڭ شىنايى بەينەسىن اشىپ كورسەتەدى جانە ولاردىڭ ەش وزگەرمەگەنىنىڭ دالەلى بولىپ وتىر",-دەدى.
تالىبتەر حازارلاردى قۋعىنداۋدى توقتاتار ەمەس. ولار بيلىكتى قارۋمەن باسىپ العاننان كەيىن، گيزاب پەن پاتو اۋداندارىندا 20 مىڭ حازار بوسىپ كەتكەن.
"ادىرنا" ۇلتتىق پورتالى
