بەدەۋلىك تەك ايەل ادامدارعا قاتىستى ماسەلە مە؟
جوق، جۇپتارداعى بەدەۋلىكتىڭ سەبەبى ايەلدەر مەن ەر ادامنىڭ تاراپىنان شىعۋى مۇمكىن. كوپتەگەن جۇپتار بالا كوتەرە الماۋشىلىقتان زارداپ شەگەدى، بىراق كوبىسى كىنانى ايەلدەردىڭ موينىنا جۇكتەيدى. الايدا، بالا كوتەرە المايتىن جۇپتار اراسىندا شامامەن 35% جاعدايلاردا ايەل ادامنان بولاتىن بەدەۋلىك ەر ادامنان بولاتىن بەدەۋلىكپەن قوسارلانادى. ال 8% جاعدايلاردا بەدەۋلىك تەك ەر ادامدار تاراپىنان انىقتالادى. زەرتتەۋلەرگە سايكەس، ايەلدەردىڭ 15 پەن 44 جاس ارالىعىنداعى بەدەۋلىكتىڭ تارالۋى بۇكىل الەمدە ورتا ەسەپپەن 6-تان 15% - عا دەيىن، ال ەر ادامدار اراسىندا 7-10% قۇرايدى.
دارىگەرگە جۇگىنۋگە دەيىن قانشا ۋاقىت ءوتۋ قاجەت؟
35 جاسقا دەيىنگى ايەلدەرگە - 12 اي بويى، ال 35 جاستان اسقان ايەلدەرگە - 6 اي بويى جالعاسقان بالا كوتەرۋگە تابىسسىز تالپىنىستاردان كەيىن.
تومەندە كورسەتىلگەن سيمپتومدارى بار جۇپتارعا جۇكتىلىكتى جوسپارلاۋ كەزەڭىندە دارىگەرگە قارالۋ ۇسىنىلادى:
-رەتسىز ەتەككىر
-وتە قاتتى اۋىرۋ سەزىمىمەن جۇرەتىن ەتەككىر
-ەندومەتريوز
-كىشى جامباس اعزالارىنىڭ قابىنۋ اۋرۋلارى
-بۇرىندار بىرنەشە رەت تۇسىكتىڭ بولۋى
-ەر ادامدار تاراپىنان ىقتيمال پروبلەمالار (جاراقات، وتا جاساۋ، حيميوتەراپيا، وعان دەيىنگى قاتىناستارداعى بەدەۋلىك).
جۇپتاردىڭ بەدەۋلىككە بەيىمدىلىگىن زەرتتەۋ شارالارى قالاي جۇرگىزىلەدى؟
ءبىرىنشى كەزەكتە دارىگەر جالپى جانە رەپرودۋكتيۆتى دەنساۋلىق جاعدايى تۋرالى اقپاراتتى جيناۋ ءۇشىن ەگجەي-تەگجەيلى سۇراستىرۋ وتكىزەدى . تەكسەرۋ شارالار سپەرموگراممانى، جاتىر تۇتىكتەرىنىڭ وتىمدىلىگىن جانە وۆاريالدى رەزەرۆتى (انالىق جاسۋشالار قورىن) باعالاۋ پروتسەدۋرالاردان باستالادى.
بەدەۋلىك قالاي ەمدەلەدى؟
بەدەۋلىكتى ەمدەۋ ءۇشىن دارىلىك پرەپاراتتار، حيرۋرگيالىق ارالاسۋ، ەكۇ (ەكستراكورپوراتيۆتىك ۇرىقتاندىرۋ) نەمەسە قوسالقى رەپرودۋكتيۆتى تەحنولوگيالار پايدالانىلۋى مۇمكىن. كەيدە بۇل ادىستەر بىردەي ءبىر مەزگىلدە پايدالانىلۋى ءمۇمىن. كەلەسى فاكتورلار ماڭىزدى ءرول اتقارادى:
-بەدەۋلىكتىڭ انىقتالعان سەبەبى
-بەدەۋلىكتىڭ ۇزاقتىعى
-ايەلدىڭ جاسى
- ەمدەۋ ادىسىنە قاتىستى جۇپتاردىڭ تاڭداۋى (قاۋىپ-قاتەر دەڭگەيى، ناتيجەگە جەتۋ مۇمكىندىكتەرى، ءاربىر ءادىستىڭ قۇنى مەن ارتىقشىلىعى جان-جاقتى قاراستىرىلعاننان كەيىن).
”ادىرنا” ۇلتتىق پورتالى
