حالىقارالىق اۋىر اتلەتيكا فەدەراتسياسى (IWF) دوپينگ-سىناماسىندا تىيىم سالىنعان پرەپاراتتار تابىلعان قازاقستاندىق اۋىر اتلەت يليا يلينگە قاتىستى سانكتسيالار قولدانۋ تۋرالى رەسمي شەشىم شىعاردى، - دەپ حابارلايدى Vesti.kz.
IWF تارتىپتىك كوميسسياسىنىڭ شەشىمىنە سايكەس، يليا يلين ەكى جىلعا شەتتەتىلدى. جارىستاردان شەتتەتۋ ءتارتىپ بۇزۋشىلىق انىقتالعان كۇننەن باستاپ، ناقتىراق ايتقاندا 2016 جىلدىڭ 10-ماۋسىمىنان باستاپ كۇشىنە ەنەدى.
قازاقستان رەسپۋبليكاسى اۋىر اتلەتيكا فەدەراتسياسىنىڭ كۇشىمەن سپورتشى ءوزىنىڭ بارلىق وليمپيادالىق ەمەس جەتىستىكتەرى، جۇلدەلەرى مەن ماراپاتتارىن وزىندە قالدىرۋعا قول جەتكىزگەن ەدى.
ەسكە سالايىق، بۇدان ەرتەرەك قر اۋىر اتلەتيكا فەدەراتسياسىنىڭ باستاماسىمەن ادۆوكاتتار مەن زەرتحانالىق تالداۋلار جانە سپورتتىق قۇقىق ماماندارىنان قۇرالعان توپ بىرنەشە اي بويى قازاقستاندىق سپورتشىلاردىڭ رەاناليزدەرىن بۇگە-شۇگەسىنە دەيىن زەرتتەدى، سونداي-اق اتلەتتەرگە تەرگەۋلەر مەن سوت پروتسەستەرىنىڭ بارلىق كەزەڭدەرىندە قولداۋ كورسەتتى.
tengrinews.kz
