نۇر-سۇلتاندا پوليتسيا ءيتى جوعالعان 16 جاسار قىزدى تاپتى، دەپ حابارلايدى "ادىرنا" سايتى.
42 جاستاعى استانالىق تۇرعىن كامەلەت جاسقا تولماعان قىزىنىڭ جوعالىپ كەتكەنى تۋرالى پوليتسياعا جۇگىنگەن.
قىزدى ىزدەۋگە پوليتسيا قىزمەتكەرلەرى، سونداي -اق ارنايى ۇيرەتىلگەن فەليكس اتتى قىزمەتتىك ءيتى بار كينولوگيالىق قىزمەتتىڭ قىزمەتكەرى باعىتتالعان. يت تىنتۋگە بىردەن كىرىسىپ، پوليتسەيلەردى جوعالعان قىزدى جىگىتىمەن بىرگە وتىرعان كولىككە الىپ كەلدى. قىزدى اناسىنا تاپسىردى.
جاسوسپىرىمدەر پوليتسياسىنىڭ قىزمەتكەرلەرى قاشقىندى پروفيلاكتيكالىق ەسەپكە الدى، ونىڭ اتا -اناسىمەن اڭگىمە جۇرگىزىلدى. بەلگىلى بولعانداي، قىز بۇرىن دا ۇيىنەن كەتكەن، بىراق كوپ ۇزاماي ورالعان.
"ايتا كەتۋ كەرەك، يت فەليكس جاقىندا قىزمەتكە كىرگەنىنە قاراماستان، ناعىز باتىرعا اينالدى. اعىمداعى جىلدىڭ قىركۇيەك ايىنىڭ باسىندا پوليتسيا ءيتى بالالار اتتراكتسيوندارىنىڭ جانىندا جوعالىپ كەتكەن ەكى جاسار ءسابيدى تاپتى. بۇگىندە قىزمەتتىك يت ۇلكەن ۇمىتتەردى اقتاپ، جاقسى دايىندالعان جانە كينولوگتىڭ بۇيرىقتارىن بۇلجىتپاي ورىندايدى",-دەپ قوستى نۇر-سۇلتان قالالىق ءىىب ءباسپاسوز قىزمەتى.
"ادىرنا" ۇلتتىق پورتالى
