بەلارۋس پرەزيدەنتى الەكساندر لۋكاشەنكو CNN ارناسىنا سۇحبات بەرىپ، مينسك پەن ماسكەۋ اراسىنداعى قاتىناس جايلى ايتتى.
"ەگەر كەرەك بولسا، بەلارۋس جەرى رەسەيمەن بىرگە سىزدەردىڭ اگرەسسيالارىڭىزعا قارسى ءبىر اسكەري بازاعا اينالادى. ەگەر سىزدەر سونداي شەشىم قابىلداساڭىزدار نەمەسە جەكەلەگەن ەلدەر سونداي شەشىم قابىلداسا ارينە. سىزدەر ونى ناقتى تۇسىنۋلەرىڭىز كەرەك" ، — دەدى لۋكاشەنكو.
لۋكاشەنكو بەلارۋس جەرىندە رەسەيدىڭ ەكى ازاماتتىق ماقساتتاعى بازاسىنان باسقا بازالاردىڭ جوق ەكەنىن دە ايتا كەتتى. "بۇل بازالار كسرو كەزىندە سالىنعان. ماقساتى باتىستان يادرولىق سوققى جاساسا ءبىرىنشى بولىپ انىقتاۋ ءۇشىن وسىندا قويىلعان. ال ەكىنشى بازانىڭ ماقساتى رەسەي كۇشتەرىن اتلانتيكاداعى فلوتىمەن بايلانىستىرىپ تۇر. بار بولعانى وسى ەكى بازا" — دەدى ول. ءار بازادا بار-جوعى 100 جەتپەس ادام جۇمىس ىستەيتىنىن دە ايتا كەتتى.
"ادىرنا" ۇلتتىق پورتالى
