ەكۆادور تۇرمەسىندەگى توبەلەستەن 116 ادام قازا تاپتى

3273
Adyrna.kz Telegram

ەكۆادوردىڭ گۋاياكيل قالاسىنداعى ليتورال تۇرمەسىندە سوتتالعاندار مەن پوليتسيانىڭ اراسىندا قاقتىعىس ورىن الىپ، 116 ادام قازا تاپتى.

توپ بولىپ توبەلەسۋدىڭ باسى تۇرمەدەگى باندالىق توپتاردىڭ ىقپالدى جەتەكشىلەرىنىڭ تاراپنان تۋىنداعان. رەسمي اقپارات كوزدەرىنىڭ كەلتىرگەن مالىمەتتەرىنە قاراعاندا، تۇرمەدەگى توبەلەستەن 116 ادام قازا تاپقان. بۇل توبەلەس جالپى تۇرمە تاريحىندا ورىن العان ادام ءولىمى بويىنشا رەكوردتىق كورسەتكىشتى كورسەتۋدە دەپ حابارلاپ جاتىر.

تۇرمەدەگى توبەلەستىڭ كەزىندە تۇرمە باسشىلىعى قامالعان باندالىق توپتاردىڭ 5 ادامىن جەكە وقشاۋلاماي، ولاردىڭ تاراپىنان تۋىندايتىن قاۋىپتى ەسكەرمەگەن دەيدى، اقپارات كوزدەرى. ەكۆادوردىڭ ليتورال تۇرمەسىنە كوپ جاعدايدا مەكسيكالىق ناركوباندالاردىڭ قامالادى ەكەن. بۇل تۇرمە تەك ەكۆادوردا عانا ەمەس، دۇنيە جۇزىندەگى ەڭ قاۋىپتى تۇرمەلەردىڭ قاتارىنا جاتادى.

پوليتسيا باسقارماسىنىڭ باسشىسى فاۋستو بۋەنانونىڭ ايتۋىنشا، تۇرمەدەگى قامالعان باندالىق توپتاردىڭ قولىندا گراناتالار دا بولعان. بۇل قاقتىعىستى توقتاتۋ ءۇشىن مەملەكەت 400-دەي پوليتسيا قىزمەتكەرلەرىن جۇمىلدىرعان.

 

«ادىرنا» ۇلتتىق پورتالى

پىكىرلەر