15 ماۋسىمدا يران يزرايلگە ەكى مارتە زىمىرانمەن شابۋىل جاسادى، دەپ حابارلايدى "ادىرنا" ۇلتتىق پورتالى.
يزرايل قورعانىس ارمياسى (تساحال) تەگەرانداعى اسكەري، يادرولىق جانە ەنەرگەتيكالىق نىساندارعا اۋقىمدى سوققىلار جاساعانىن حابارلادى. اسكەريلەردىڭ ايتۋىنشا، شابۋىل نىساندارى قاتارىندا يران قورعانىس مينيسترلىگىنىڭ شتابى مەن يادرولىق قارۋ جاساۋعا قاتىسى بار SPND جوباسىنىڭ باس كەڭسەسى بولعان.
BBC مالىمەتىنشە، تەگەرانداعى مۇناي بازاسى مەن ءيزرايلدىڭ حايفا قالاسىنداعى مۇناي وڭدەۋ زاۋىتى دا شابۋىل نىسانىنا اينالعان. يراننان تاراعان ۆيدەولاردا تەگەراننىڭ سولتۇستىك-باتىسىندا ورنالاسقان بازا ورتەندى.
ايماقتاعى جاعدايدىڭ كۇرت شيەلەنىسۋىنە بايلانىستى يوردانيا، سيريا جانە يراك وزدەرىنىڭ اۋە كەڭىستىكتەرىن جاۋىپ تاستادى.
اقش بيلىگى دە جاعدايعا الاڭداۋشىلىق ءبىلدىرىپ، ازاماتتارىن يراندى شۇعىل تۇردە تاستاپ كەتۋگە شاقىردى.
"اقش يراندا ەشقانداي ديپلوماتيالىق وكىلدىككە يە ەمەس", – دەلىنگەن تەگەرانداعى ۆيرتۋالدى ەلشىلىك سايتىندا جاريالانعان حابارلامادا.
ءيزرايلدىڭ ۇلتتىق مەديتسينالىق قىزمەتى "ماگەن داۆيد ادوم" حابارلاعانداي، شابۋىل سالدارىنان كەمىندە سەگىز ادام قازا تاۋىپ، شامامەن 200 ادام جارالانعان.
ۇقساس جاڭالىقتار
