الماتىدا ءوز اكەسى زورلاعان 3 ايلىق ءسابيدىڭ ءىسى ءالى تەرگەلىپ جاتىر. بۇل تۋرالى قالالىق پوليتسيا دەپارتامەنتى باسشىسىنىڭ ورىنباسارى رۋستام ءابدىراحمانوۆ مالىمدەدى، دەپ حابارلايدى “ادىرنا” ۇلتتىق پورتالى.
ءابدىراحمانوۆتىڭ مالىمەتىنە سايكەس، تەرگەۋدىڭ تولىق ناتيجەسى ساراپتامادان كەيىن انىقتالادى.
"قىلمىستىق ءىس سوتقا دەيىنگى تەرگەۋدىڭ بىرىڭعاي تىزىلىمىنە 11 قىركۇيەك كۇنى تىركەلدى. قازىر ساراپتاما تاعايىندالدى. ارىز بويىنشا تىركەلگەن قىلمىستىڭ ىسكە سايكەس، كىشكەنتاي بالا ءۇش ايلىق كەزىندە اكەسىنەن زورلىق كورگەن. ءبىز قازىر بۇل جاعدايدى ەگجەي -تەگجەيلى تەكسەرىپ جاتىرمىز. بەلگىلەنگەن ساراپتامالىق زەرتتەۋ ءالى دايىن ەمەس. ساراپتامالىق مەكەمەنىڭ تالابى بويىنشا ساراپتاماعا بىرقاتار مامان تارتىلدى. ايىپتالۋشىلار الماتىدا، قالادان ەشكىم ەشقايدا كەتكەن جوق، بۇل ادامدار ءۇشىن بۇلتارتپاۋ شاراسى تاڭدالمادى. قازىرگى ۋاقىتتا ەشكىم ۇستالعان جوق، ءبىز ءبارىمىز ساراپتامانىڭ قورىتىندىسىن كۇتەمىز. ول ءالى دايىن بولعان جوق. ساراپتامامەن باسقا ۆەدومستۆو اينالىسادى. قورىتىندى قانداي بولاتىنىن ەشكىم بىلمەيدى. بارلىعى وندىرىستە جانە باقىلاۋدا", – دەدى ابدىراحمانوۆ.
”ادىرنا” ۇلتتىق پورتالى
