قازاقستاندىق فايتەر قۋات حاميتوۆ (23-6-2) سوچيدە وتكەن ارالاس جەكپە-جەك بويىنشا AMC Fight Nights ءتۋرنيرىنىڭ باستى ايقاسىندا ونەر كورسەتتى، دەپ حابارلايدى "ادىرنا" ۇلتتىق پورتالى "Sports.kz-كە" سىلتەمە جاساپ.
قۋات حاميتوۆ رەسەيلىك بوكسشى ماريف پيراەۆپەن (29-4-1) ايقاستى. جارتىلاي ورتا سالماقتاعى جەكپە-جەك ءۇش راۋندقا سوزىلىپ، تورەشىلەردىڭ ءبىراۋىز شەشىمىمەن پيراەۆتىڭ جەڭىسىمەن اياقتالدى – 30-27, 29-28, 30-27. وسىلايشا، ميراف پيراەۆ ءوزىنىڭ كاسىبي مانسابىنداعى ون ءۇشىنشى جەڭىسىنە جەتتى، بۇل – قۋات حاميتوۆتىڭ مما-دەگى جەتىنشى جەڭىلىسى.
قازاقستاندىق ءۇشىن بۇل وسى جىلعى ءۇشىنشى ايقاسى. بۇعان دەيىن ق.حاميتوۆ قاڭتاردا رەسەيلىك ماكسيم پانتەلەەۆتى (0-1) نوكاۋتقا جىبەرگەن، ودان كەيىن ماۋسىم ايىندا ۋكراينالىق رومان گولوۆينوۆتى (10-5) جەڭگەن بولاتىن.
"ادىرنا" ۇلتتىق پورتالى.