COVID-19 بەلگىلەرى جانە ونىڭ بالالاردا قالاي اسەر ەتەتىنى جونىندە پەدياتر، ينفەكتسيونيست، مەديتسينا عىلىمدارىنىڭ دوكتورى، س.د. اسفەندياروۆ اتىنداعى قازۇمۋ بالالار ينفەكتسياسى كافەدراسىنىڭ پروفەسسورى لəززات ەراليەۆا ايتىپ بەردى، دەپ حابارلايدى ەلوردا اكىمدىگىنىڭ رەسمي سايتى.
پەدياتردىڭ ايتۋىنشا، الەمدە COVID-19 ۆيرۋسىنىڭ اۋىر تۇرىمەن اۋىراتىن بالالار ءجيى تىركەلە باستادى. بۇل جاڭا اگرەسسيۆتى جانە جۇقپالى كۆي شتامدارىنىڭ پايدا بولۋىمەن بايلانىستى.
«كوۆيدتى تۋدىراتىن SARS-CoV-2 ۆيرۋسى بالانىڭ دەنەسىنە اۋا تامشىلارى نەمەسە بايلانىس ارقىلى (زاتتار ارقىلى) ەنەدى. بالالارداعى COVID-19-دىڭ العاشقى بەلگىلەرى ەرەسەكتەر سەكىلدى، ينفەكتسيا جۇققان سوڭ ورتا ەسەپپەن ءبىر اپتادان كەيىن پايدا بولادى. يممۋنيتەتى ءالسىز بالالاردا ينكۋباتسيالىق كەزەڭ 2-3 كۇنگە دەيىن قىسقارادى. باستاپقى كەزەڭدە اۋرۋ قاراپايىم سۋىق تيگەنگە ۇقسايدى: تاماق اۋىرىپ، مۇرىن بىتەلەدى جانە دەنە تەمپەراتۋراسى جوعارىلايدى»، - دەپ ءتۇسىندىردى ءلاززات ەراليەۆا.
ونىڭ ايتۋىنشا، كەلەسى 2-3 كۇن ىشىندە الدىڭعى بەلگىلەرگە جەڭىل جوتەل، السىزدىك، تابەتتىڭ جوعالۋى، كەۋدەدەگى اۋىرسىنۋ، ەنتىگۋ جانە ۇلكەن دارەتتىڭ سۇيىق بولۋى قوسىلادى.
كۆي-ءدىڭ اسا اۋىر اعىمى ءبىر جاسقا دەيىنگى بالالاردا جانە سوزىلمالى پاتولوگيالارى مەن قوسىمشا اۋرۋلارى بار 15 جاستان اسقان جاسوسپىرىمدەردە بايقالادى.
«ادەتتە، بالالار اۋىرعاننان كەيىن 7-11 كۇندە قالىپقا كەلە باستايدى. بالادا COVID-19-عا ءتان العاشقى بەلگىلەر پايدا بولعان كەزدە بىردەن پەدياتر دارىگەرىن شاقىرۋ كەرەك. ەڭ باستىسى مىنانى ەستە ساقتاڭىز: بالاعا ءوز بەتىنشە دياگنوز قويۋعا، ءوز بەتىنشە ەمدەۋگە جانە وزگە دە بەلگىلەردىڭ پايدا بولۋىن كۇتۋگە مۇلدەم بولمايدى!» - دەپ اتاپ ءوتتى مەديتسينا عىلىمدارىنىڭ دوكتورى.
ول قازىرگى ۋاقىتتا بالالاردى كوروناۆيرۋستان قورعاۋدىڭ ناقتى قۇرالدارى جوق ەكەنىن ايتتى.
بالالاردى ۆيرۋستان قورعاۋدىڭ جالعىز ءادىسى – ەرەسەك تۇرعىنداردى ۆاكتسيناتسيالاۋ جانە جۇقتىرعاندارمەن بايلانىستا بولماۋ.
