اقتوبە وبلىسىندا جاتتىقتىرۋشىلار مەن وقۋشىلار مىنگەن اۆتوكولىك جول اپاتىنا ۇشىراپ، ءبىر بالا كوز جۇمدى. بۇل تۋرالى رolisia.kz حابارلادى، دەپ جازادى "ادىرنا" ۇلتتىق پورتالى.
2022 جىلعى 17 جەلتوقساندا اقتوبە-بولگاركا-شۇبارقۇدىق تاسجولىنىڭ 68 كم. تەمىر اۋدانىنىڭ 32 جاستاعى تۇرعىنى باسقارعان «Toyota Estima» اۆتوكولىگى اۋدارىلدى. اۆتوكولىك ىشىندە 11 ادام، ونىڭ ىشىندە 2010-2011 جىلدارى تۋعان 9 بالا بولدى. ولار شۇبارقۇدىق اۋىلىنان اقتوبە قالاسىنا ۆولەيبولدان جارىسقا قاتىسۋ ءۇشىن شىققان. اپات سالدارىنان ءبىر بالا جول-كولىك وقيعاسى بولعان جەردە كوز جۇمدى، قالعان 8 بالا اقتوبە قالاسىنداعى وبلىستىق بالالار اۋرۋحاناسىنا جەتكىزىلدى. قايعىلى جاعدايعا بايلانىستى وبلىس اكىمدىگى تۇسىنىكتەمە بەردى."بۇگىن اقتوبە وبلىسىندا ورىن العان قايعىلى جاعدايدى تۇسىندىرگىم كەلەدى. ەڭ الدىمەن، قايتىس بولعان بالانىڭ اتا-اناسى مەن جاقىندارىنا كوڭىل ايتامىن. جول اپاتىندا تاعى 8 بالا زارداپ شەكتى. ولارعا بارلىق قاجەتتى مەديتسينالىق كومەك كورسەتىلەدى. قازىرگى ۋاقىتتا وسى وقيعا بويىنشا تەرگەۋ جۇرگىزىلۋدە. ءىس - وبلىس اكىمى ەرالى توعجانوۆتىڭ قاتاڭ باقىلاۋىندا. پسيحولوگتار زارداپ شەككەندەر جانە ولاردىڭ تۋىستارىمەن مىندەتتى تۇردە جۇمىس ىستەيدى. ولارعا جان-جاقتى كومەك كورسەتىلەدى", - دەپ جازدى اقتوبە وبلىسى اكىمى اپپاراتى باسشىسىنىڭ ورىنباسارى – وبلىس اكىمىنىڭ ءباسپاسوز حاتشىسى ەرجان بايتاناەۆ.
"ادىرنا" ۇلتتىق پورتالى
ۇقساس جاڭالىقتار
