بالاەۆا ۇلتتىق جوبا اياسىندا جۇزەگە اسىرىلعان جوبالار تۋرالى مالىمدەدى. بۇل تۋرالى اقپارات جانە قوعامدىق دامۋ ءمينيسترى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ كەڭەيتىلگەن ماجىلىسىندە ايتتى.
مەملەكەت باسشىسىنىڭ تاپسىرماسىنا سايكەس «رۋحاني جاڭعىرۋ» باعدارلاماسى 2021 جىلدان باستاپ قوعامدىق سانانى ۇلتتىق جاڭعىرتۋ كەزەڭىنە وتكىزۋگە ارنالعان جول كارتاسى رەتىندە ۇكىمەت قاۋلىسىمەن ۇلتتىق جوبا رەتىندە دايىندالدى، - دەدى بالاەۆا.
ول اتاعانداي، ۇلتتىق جوبا اياسىندا ازىرلەنگەن بارلىق شارا جاس ەرەكشەلىگىنە قاراي سايكەستەندىرىلدى.
بۇگىنگى تاڭدا باعدارلامانىڭ التى نەگىزگى باعىتى بويىنشا 16 ارنايى جوبا جۇزەگە اسىرىلىپ جاتىر. ارينە، ءار جوبانىڭ ءوز ورنى، ءوز اۋديتورياسى بار. ولاردىڭ اراسىندا «تۋعان جەر»، «100 جاڭا ەسىم»، «كيەلى قازاقستان»، «100 جاڭا وقۋلىق» جوبالارى بار. ولار قوعامنان ءوز باعالارى مەن قولداۋىن الدى، - دەدى بالاەۆا.
مينيستر اتاعانداي، «تۋعان جەر» جوباسىنا بۇكىل ەل بويىنشا 13 مىڭنان استام مەتسەنات قاتىسىپ، 280 ملرد تەڭگە سوماسىنا 7 مىڭعا جۋىق الەۋمەتتىك نىسان سالىندى.
«رۋحاني جاڭعىرۋ» باعدارلاماسىنىڭ ارقاسىندا حالقىمىزدىڭ قايىرىمدىلىق قىزمەتىنىڭ جاڭا داستۇرلەرى جاڭعىرتىلىپ، مويىندالدى. «كيەلى قازاقستان» جوباسى اياسىندا جالپىۇلتتىق ماڭىزى بار تانىمال ورىندار مەن نىسانداردىڭ ءتىزىمى كەڭەيتىلدى. جالپىۇلتتىق ماڭىزى بار 2 مىڭنان استام نىسان جانە وڭىرلىك ماڭىزى بار 500-دەن استام نىسان انىقتالىپ، ەلىمىزدىڭ كيەلى جەرلەرىنىڭ كارتاسى مەن ەكى تومدىق ەنتسيكلوپەدياسى جاريالاندى،-دەدى ول.
بالاەۆا ەل بويىنشا 28 تاريحي نىسان قايتا جاڭعىرتىلىپ، «بوزوق»، «بوتاي» جانە «سارايشىق» مۇراجاي-قورىقتارى اشىلعانىن ايتتى.
«ادىرنا» ۇلتتىق پورتالى
