قازاقستان پرەزيدەنتى قاسىم-جومارت توقاەۆ شىعىس قازاقستان وبلىسىنداعى قالجىر وزەنىنىڭ لاستانۋىنا كىنالىلەردى جازالاۋدى بۇيىردى، دەپ حابارلايدى "ادىرنا" ۇلتتىق پورتالى.
بۇل تۋرالى مەملەكەت باسشىسىنىڭ ءباسپاسوز حاتشىسى بەرىك ءۋالي حابارلادى.
«ايقىن» گازەتىنىڭ بۇگىنگى نومىرىنە «قالجىردى كىم لاستاپ جاتىر؟» دەگەن ماقالا جاريالانعان ەدى. وندا شىعىس قازاقستان وبلىسىنداعى قالجىر وزەنىن زاڭسىز التىن وندىرۋشىلەر قاتتى لاستاپ جاتقانى تۋرالى وتە وزەكتى ماسەلە كوتەرىلگەن. وسىعان بايلانىستى مەملەكەت باسشىسى قاسىم-جومارت توقاەۆ ەكولوگيا، گەولوگيا جانە تابيعي رەسۋرستار مينيسترلىگى مەن شىعىس قازاقستان وبلىسىنىڭ اكىمدىگىنە اتالعان پروبلەمانى ەگجەي-تەگجەيلى تەكسەرىپ، كىنالىلەردى جاۋاپكەرشىلىككە تارتۋ تۋرالى تاپسىرما بەردى" ،-دەپ جازدى ول Facebook-تە.
"ادىرنا" ۇلتتىق پورتالى
