جامبىل وبلىسى مەركى اۋدانىندا 35 جاستاعى ازاماتتىڭ 12 جاستاعى قىزدى زورلاعانى تۋرالى اقپارات تارادى، دەپ حابارلايدى “ادىرنا” ۇلتتىق پورتالى Taraznews.kz سايتىنا سىلتەمە جاساپ.
كۇدىكتى مەكتەپ وقۋشىسىمەن Instagram الەۋمەتتىك جەلىسىندە تانىسقان.
جامبىل وبلىستىق پوليتسيا دەپارتامەنتىنىڭ ءباسپاسوز قىزمەتى وبلىستىق بالالار اۋرۋحاناسىنا مەركى اۋىلىنىڭ كامەلەتكە تولماعان تۇرعىنى جۇگىنگەنى تۋرالى حابارلاما تۇسكەندىگىن راستادى.
"سوتقا دەيىنگى تەرگەۋ اياسىندا بىرقاتار تەرگەۋ ارەكەتتەرى مەن قاجەتتى ساراپتامالار جۇرگىزىلدى. اتالعان دەرەككە قاتىستى مەركى اۋداندىق پوليتسيا ءبولىمى قر قىلمىستىق كودەكسىنىڭ 120-بابى بويىنشا سوتقا دەيىنگى تەرگەۋ امالدارىن باستادى. قر قىلمىستىق ءىس جۇرگىزۋ كودەكسىنىڭ 201-بابىنا سايكەس تەرگەۋ مۇددەسىندە ءىستىڭ ءمان-جايى جاريا ەتىلمەيدى", – دەلىنگەن وبلىستىق پد جاۋابىندا.
اتالعان فاكتى بويىنشا مەركى اۋداندىق پوليتسيا ءبولىمى "زورلاۋ"قىلمىستىق بابى بويىنشا سوتقا دەيىنگى تەرگەۋدى باستاعانىن حابارلادى.
"سوتقا دەيىنگى تەرگەۋ اياسىندا بىرقاتار تەرگەۋ ارەكەتتەرى مەن قاجەتتى ساراپتامالار جۇرگىزىلدى. جەدەل-ىزدەستىرۋ شارالارى جۇرگىزىلۋدە", - دەپ تولىقتىردى ۆەدومستۆودان.
”ادىرنا” ۇلتتىق پورتالى
