Iordanııada gandboldan áıelder arasyndaǵy 18 -shi Azııa chempıonaty jalǵasýda, dep habarlaıdy "Adyrna" ulttyq portaly.
Qazirgi ýaqytta komandalar kishi toptarda fınaldyq kezdesýlerdi ótkizý úshin qaldy, dep habarlaıdy asianhandball.org. «A» tobynda oınaıtyn Qazaqstan quramasy josparlanǵan tórt oıynnyń úsheýin ótkizip, barlyǵyn jeńdi.
19 qyrkúıekte Ózbekstan quramasy 31:18 esebimen jeńildi. Bul jeńis Qazaqstannyń gandbolshylaryna Azııa chempıonatynyń jartylaı fınalyna merziminen buryn shyǵýǵa múmkindik berdi.
Biraq qazaqstandyq sportshylar týrnırlik kestede qaı orynnan shyǵatyny áli anyqtalǵan joq. Olar kishi toptaǵy kóshbasshylyqty koreı áıelderimen bólisedi. Bul komandalar 21 qyrkúıekte sońǵy týrda kezdesip, kimniń myqty ekenin anyqtaıdy. Bul kezdesýdiń jeńimpazy «V» kishi tobynda ekinshi oryn alatyn komandamen kezdesedi.
"Adyrna" ulttyq portaly
