الەۋمەتتىك جەلىدە ءبىر توپ شاباندوزداردىڭ تاس جولدا كوكپار وتكىزگەن ۆيدەوسى تاراپ جاتىر، - دەپ حابارلايدى "ادىرنا" ۇلتتىق پورتالى.
وقيعا وتكەن دەمالىس كۇندەرى بولعان. تالدىقورعان-تەكەلى تاس جولىندا كوكپارعا قاتىسۋشىلاردى اشۋعا بۋلىققان جۇرگىزۋشىلەر ۆيدەوعا ءتۇسىرىپ العان.
وبلىستىق پوليتسيا دەپارتامەنتىنىڭ ءباسپاسوز قىزمەتى ات سپورتى جارىسىن ۇيىمداستىرۋشىلاردىڭ قازىردىڭ وزىندە ۇستالعانىن حابارلادى.
"جەدەل-ىزدەستىرۋ شارالارى بارىسىندا پوليتسەيلەر كوكپار ويىنىن ۇيىمداستىرۋشىنى، كوپ ۇزاماي قاتىسۋشىلاردىڭ وزدەرىن انىقتادى. قازىرگى ۋاقىتتا ولارعا قاتىستى قر اقبتك-ءنىڭ 614-بابى بويىنشا حاتتامالار قۇرىلىپ، پروفيلاكتيكالىق اڭگىمە جۇرگىزىلدى. قاتىسۋشىلار وزدەرىن قورعاۋدا ويىنعا الدانىپ قالعانىن جانە جول جيەگىنە شىعىپ كەتكەنىن بايقاماي قالعانىن حابارلادى. شاباندوزدار جول قوزعالىسىنا قاتىسۋشىلارعا ەشقانداي زيان كەلتىرمەگەن»، - دەپ حابارلادى دەپارتامەنتتىڭ ءباسپاسوز قىزمەتى.
ۆيدەونى تەلەگرام ارنامىزدان كورە الاسىزدار.
