سەرىك احمەتوۆتىڭ جازا مەرزىمى ءبىتتى

2993
Adyrna.kz Telegram

قازاقستاننىڭ بۇرىنعى پرەمەر-ءمينيسترى سەرىك احمەتوۆ جازاسىن وتەپ شىقتى. 1 قىركۇيەكتە ودان شەكتەۋلەر الىنىپ تاستالدى، دەپ حابارلايدى "ادىرنا" پورتالى.

قىلمىستىق اتقارۋ جۇيەسى كوميتەتىنىڭ مالىمەتىنشە، سەرىك احمەتوۆ جازاسىن وتەپ جاتقان كەزدە تىركەۋدەن الىندى. ەندى احمەتوۆكە مەملەكەتتىك قىزمەت اتقارۋعا تىيىم سالىنعان جازا بار.

- 2021 جىلى 1 قىركۇيەكتە سوتتالعان س.ن.احمەتوۆ مەرزىمدى وتەۋگە بايلانىستى جازانىڭ نەگىزگى ءتۇرى بويىنشا پروباتسيا تىركەلىمىنەن الىنىپ تاستالدى. ول قازىبەك اۋدانىنىڭ پروباتسيا قىزمەتىندە بەلگىلى ءبىر لاۋازىمداردى اتقارۋعا تىيىم سالۋ تۇرىندە قوسىمشا جازا الۋ ءۇشىن ەسەپتە تۇرادى، دەلىنگەن كۋيس حابارلاماسىندا.

2015 جىلدىڭ جەلتوقسانىندا سەرىك احمەتوۆ مۇلكىن تاركىلەۋمەن 10 جىلعا باس بوستاندىعىنان ايىرىلدى. سونداي -اق، وعان بيۋدجەت قاراجاتىن جىمقىرعانى، قىزمەت بابىن اسىرا پايدالانعانى جانە كاسىپكەرلىك قىزمەتكە زاڭسىز قاتىسقانى ءۇشىن بەس جىلعا مەملەكەتتىك قىزمەت اتقارۋعا تىيىم سالىندى. ەكس-پرەمەر ءوزىنىڭ كىناسىن مويىندامادى، بىراق قازاقستاننىڭ سەنىمى اقتالماعانى ءۇشىن جانە تۇڭعىش پرەزيدەنتى نۇرسۇلتان نازارباەۆتان كەشىرىم سۇرادى.

2016 جىلدىڭ ناۋرىزىندا احمەتوۆتىڭ باس بوستاندىعىنان ايىرۋ مەرزىمى سەگىز جىلعا دەيىن قىسقارتىلدى. سوت ۇكىمنىڭ جەڭىلدەتىلۋىن ەكس-پرەمەردىڭ شىن جۇرەكتەن وكىنىپ، 2,5 ميلليارد تەڭگە كولەمىندە زالالدى وتەۋىمەن ءتۇسىندىردى.

2017 جىلدىڭ قىركۇيەگىندە بۇرىنعى پرەمەر-مينيستر تۇرعىلىقتى جەرىندەگى بوستاندىعىن شەكتەۋ ءۇشىن باس بوستاندىعىنان ايىرۋعا اۋىستىرىلدى.

"ادىرنا" ۇلتتىق پورتالى

پىكىرلەر