سەگىزىنشى رەت اجە اتانعان اقش تۇرعىنى كەتي پاتتەن 45 مينۋتقا سوزىلعان كلينيكالىق ولىمنەن امان ءوتىپ، نەمەرەسى ومىرگە كەلەر الدىندا قايتا ءتىرىلدى، دەپ حابارلايدى «ادىرنا» ءتىلشىسى Daily Mirror-عا سىلتەمە جاساپ.
اياعى اۋىر قىزىنا كومەكتەسۋ ءۇشىن پەرزەنتحاناعا اسىققان كەيۋانا كەنەتتەن ينفاركت الىپ، اۋرۋحانعا تۇسكەن. جان ساقتاۋ بولىمىنە جاتقىزىلعان ايەلدىڭ جۇرەگى توقتاپ، 45 مينۋت بويى تىرشىلىك بەلگىسىن بەرمەيدى.
وسى ۋاقىتتا ونىڭ قىزى جەدەل كەسار وتاسىنا دايىندالىپ جاتقان ەدى. فايفەردىڭ وپەراتسياسىنان بۇرىن اناسى قالپىنا كەلىپ، كوپ ۇزاماي الورا ەسىمدى جاڭا تۋعان نەمەرەسىمەن قاۋىشقان.
«ماعان تاعى ءبىر مۇمكىندىك بەرگەنى ءۇشىن قۇدايعا ريزامىن. ەندى مەن مۇمكىندىگىنشە جاقسى ادام بولامىن»،– دەدى كەتي پاتتەن.
«ادىرنا» ۇلتتىق پورتالى
