"تاليبان" قوزعالىسى وزبەك ءتىلىن اۋعانستاندا ۋاقىتشا رەسمي ءتىل ستاتۋسىنان ايىراتىن جارلىق شىعاردى. "نەگىزدەر" دەپ اتالاتىن زاڭدار جيناعى بويىنشا ەندى اۋعانستاندا مەملەكەتتىك تىلدەر پۋشتۋ جانە داري تىلدەرى بولسا، ءبىر عانا رەسمي ءدىن ول يسلام ءدىنىنىڭ ءسۇننيت تارماعىنىڭ، حانافيت مازحابى بولماق. سونىمەن قاتار زاڭدا ەلدە شيتتەردىڭ كوپتىگى مەن سولتۇستىك ايماقتا وزبەك تىلىندە سويلەيتىن كوپشىلىكتىڭ بارى دا ايتىلعان.
زاڭ بويىنشا اۋعانستاندا ءار ايماق وكىلدەرى كىرەتىن يسلام زاڭگەرلەرىنىڭ كەڭەسى مەن جوعارى كەڭەستەر قۇرىلماق. اتقارۋشى بيلىكتىڭ باسشىسى پرەزيدەنت بولماق، ونى حالىق پەن جوعارى كەڭەس مۇشەلەرى سايلايدى. قۇجاتتا اۋعانستان ۇلتتىق اسسامبلەياسى دەپۋتاتتارىن بىرقاتار قۇقىقتان ايىرىپ، "اعىلشىنداردان، ورىستاردان، امەريكاندىقتاردان تاۋەلسىزدىك العان كۇن" مەرەكەسىن بەلگىلەيدى.
بۇعان دەيىن وزبەك بيلىگى اۋعانستاندا وزبەك ءتىلىنىڭ رەسمي ستاتۋسى ساقتالادى دەپ مالىمدەگەن ەدى.
"ادىرنا" ۇلتتىق پورتالى
