"Talıban" qozǵalysy ózbek tilin Aýǵanstanda ýaqytsha resmı til statýsynan aıyratyn jarlyq shyǵardy. "Negizder" dep atalatyn zańdar jınaǵy boıynsha endi Aýǵanstanda memlekettik tilder pýshtý jáne darı tilderi bolsa, bir ǵana resmı din ol Islam dininiń súnnıt tarmaǵynyń, hanafıt mazhaby bolmaq. Sonymen qatar zańda elde shııtterdiń kóptigi men soltústik aımaqta ózbek tilinde sóıleıtin kópshiliktiń bary da aıtylǵan.
Zań boıynsha Aýǵanstanda ár aımaq ókilderi kiretin ıslam zańgerleriniń keńesi men joǵary keńester qurylmaq. Atqarýshy bıliktiń basshysy prezıdent bolmaq, ony halyq pen joǵary keńes músheleri saılaıdy. Qujatta Aýǵanstan ulttyq assambleıasy depýtattaryn birqatar quqyqtan aıyryp, "Aǵylshyndardan, orystardan, amerıkandyqtardan táýelsizdik alǵan kún" merekesin belgileıdi.
Buǵan deıin ózbek bıligi Aýǵanstanda ózbek tiliniń resmı statýsy saqtalady dep málimdegen edi.
"Adyrna" ulttyq portaly
