اۋعانستاندا 4 ميلليون ادام ازىق-تۇلىككە ءزارۋ، دەپ حابارلايدى "ادىرنا" ۇلتتىق پورتالى. بۇل اقپاراتتى بۇۇ وكىلى رەين پولسەن جاريالادى.
ونىڭ ايتۋىنشا، تاماققا جارىماي وتىرعانداردىڭ دەنى اۋىل تۇرعىندارى ەكەن. ويتكەنى بيىلعى قۋاڭشىلىقتان ەلدەگى ەگىستىك القاپتارى قۋراپ قالعان. بۇعان قوسا ميلليونداعان ءۇي جانۋارى قىرىلىپ قالۋى مۇمكىن. سول ءۇشىن ەلدى مەكەندەردە ءومىر سۇرەتىن ازاماتتارعا شۇعىل كومەك قاجەت.
ايتا كەتەيىك، بۇگىنگە دەيىن اۋىلدىق جەردە تۇراتىن 400 مىڭنان استام اۋعان ازاماتى ۇيلەرىن تاستاپ كەتۋگە ءماجبۇر بولعان.
"ادىرنا" ۇلتتىق پورتالى
