رەسپۋبليكالىق «مەكتەپكە جول» اكتسياسى شىمكەنتتە جالعاسىن تاپتى. «Nur Otan» پارتياسى شىمكەنت قالالىق فيليالىنىڭ قولداۋىمەن 100 وقۋشى مەكتەپكە قاجەتتى قۇرال-جابدىقتارمەن قامتىلدى. الەۋمەتتىك قولداۋدى قاجەت ەتەتىن جانە كوپبالالى وتباسىنان شىققان وقۋشىلارعا ءبىلىم الۋعا كەرەكتى دۇنيەلەر سالتاناتتى جاعدايدا تابىستالدى.
«Nur Otan» پارتياسى بيىل ەل ەگەمەندىگىنىڭ 30 جىلدىعىنا وراي 30 يگى ءىس جوباسىن قولعا العان بولاتىن. بۇگىنگى شارا سول يگىلىكتى ءىستىڭ ءبىرى. مەكتەپكە جول اكتسياسى اياسىندا بۇگىن 51 وقۋشىعا ءوز قاجەتتىلىكتەرىنە قاراي قۇرال-جابدىقتارمەن كيىم-كەشەكتەر تاراتىلدى. اتاپ ايتقاندا 18 وقۋشىعا مەكتەپ فورماسى تابىستالسا قالعانىنا وقۋ قۇرالدارى تولى سومكەلەر ۇلەستىرىلدى. ونداعى ماقسات بارلىق وقۋشىنىڭ بىردەي ءبىلىم الۋىنا مۇمكىندىك جاساۋ.
ەربول بايقونىسوۆ – «Nur Otan» پارتياسى شىمكەنت قالالىق فيليالىنىڭ ساياسي جۇمىستار ءبولىمىنىڭ مەڭگەرۋشىسى
بۇنىڭ نەگىزگى ماقساتى مىناۋ الەۋمەتتىك مۇقتاج وتباسىلارىمىز بار. سولار مەكتەپكە الەۋمەتتىك جابدىقتارىنا بايلانىستى الەۋمەتتىك جابدىقتارىنا بايلانىستى كەلمەي قالماۋى كەرەك دەگەن نيەتپەن جاسالىپ وتىر. بۇل ەرتەڭگى كۇنى دە جالعاسادى.
گۇلجان سادىبەكوۆا كوپبالالى انا. 6 پەرزەنتىنىڭ تورتەۋى مەكتەپكە بارادى. بارلىعىن بىردەي مەكتەپكە ازىرىلەۋگە وتباسىنىڭ مۇمكىندىگى جوق. وسى جاعدايدى ەسكەرگەن پارتيا مۇشەلەرى بۇگىن گۇلجاننىڭ 3 بالاسىنا مەكتەپكە قاجەتتى كيىم-كەشەك پەن قۇرال-جابدىق الىپ بەردى.
گۇلجان سادىبەكوۆا – كوپبالالى انا
بۇل جاققا ءبىرىنشى رەت كەلىپ جاتىرمىن راحمەت. اللا رازى بولسىن بالدارىما سۋمكا بەردى كوپبالالى دەپ. وسى ەكەۋى جاقسى وقيدى. وقىتامىن قوسىمشاعا بەرەمىن. راحمەت كوپ كوپ.
قولدا بار مالىمەتكە سۇيەنسەك، شىمكەنتتە الەۋمەتتىك قولداۋدى قاجەت ەتەتىن جانە كوپبالالى وتباسىنان شىققان 57 مىڭنان استام وقۋشى بار. بيىلعى اكتسيا اياسىندا پارتيا مۇشەلەرى قولداۋدى قاجەت ەتەتىن بارلىق وتباسى بالالارىن قامتۋدى جوسپارلاپ وتىر.
م. جارىلقاسىن
