ءماجىلىستىڭ جالپى وتىرىسىندا باق وكىلدەرى سىرتقى ىستەر ءمينيسترىنىڭ ءبىرىنشى ورىنباسارى قايرات وماروۆقا ۇقشۇ جارعىسىنڭ وزگەرۋىنە قاتىستى سۇراق قويدى، دەپ حابارلايدى "ادىرنا" ۇلتتىق پورتالى Kazinform سايتىنا سىلتەپ.
ءمينيستردىڭ ءبىرىنشى ورىنباسارى قازاقستاننىڭ دا ونداي جوسپارى جوق ەكەنىن ايتتى.«ۇجىمدىق قاۋىپسىزدىك شارت ۇيىمىنا مۇشە مەملەكەتتەردىڭ ەشبىرىنەن مۇشەلىگىن توقتاتۋ تۋرالى ءوتىنىم تۇسكەن جوق. سوندىقتان ۇقشۇ قۇرامىنان قانداي ءبىر وزگەرىس كۇتىپ وتىرعان جوقپىز. مۇنداي ۇيىمنىڭ سىرتىندا بولعانشا ىشىندە بولعان ءاردايىم جاقسى»، - دەدى قايرات وماروۆ.
«ونداي جوسپارىمىز مۇلدەم جوق. بۇل ۇيىمنىڭ باستاۋىندا ءوزىمىز تۇرمىز. ول ۇيىم ءبىزدىڭ مۇددەمىزگە جۇمىس ىستەپ تۇر دەپ ەسەپتەيمىز. ويتكەنى ونداعى شەشىمدەردىڭ ءبارى ىمىرا نەگىزىندە قابىلدانادى. ياعني، ۇيىمعا مۇشە مەملەكەتتىڭ ەشبىرىنە قانداي دا ءبىر شەشىم كۇشتەپ تاڭىلمايدى. سوندىقتان ۇيىم ءبىزدىڭ مۇددەمىزگە ساي، مۇشە مەملەكەتتەردىڭ ارىپتەستىگىنە بايلانىستى كەز كەلگەن ماسەلەنى تالقىلاۋعا مۇمكىندىك بەرىپ وتىر دەپ ەسەپتەيمىز»، - دەدى ول.
ۇقساس جاڭالىقتار
