رەسەي فەدەراتسياسىنىڭ پرەزيدەنتى ۆلاديمير پۋتين ءوزىن-ءوزى وقشاۋلاۋ رەجيمىن ساقتاۋ كەرەكتىگىن مالىمدەدى. بۇل تۋرالى كرەمل سايتىنداعى باسىلىمدا ايتىلعان، دەپ حابارلايدى "ادىرنا" ۇلتتىق پورتالى.
- ۆلاديمير پۋتين تاجىكستان رەسپۋبليكاسىنىڭ پرەزيدەنتى ەمومالي راحمونمەن تەلەفون ارقىلى سويلەستى. ۆلاديمير پۋتين ءوزىنىڭ ورتاسىندا كوروناۆيرۋستىڭ انىقتالعان جاعدايلارىنا بايلانىستى بەلگىلى ءبىر ۋاقىت ىشىندە ءوزىن-ءوزى وقشاۋلاۋ رەجيمىن ساقتاۋى كەرەكتىگىن ايتتى - دەلىنگەن كرەملدىڭ حابارلاماسىندا.
وسىنى ەسكەرە وتىرىپ، پۋتين دۋشانبەدە جوسپارلانعان ۇقشۇ ۇجىمدىق قاۋىپسىزدىك كەڭەسىنىڭ سەسسياسىنا، شىۇ -عا مۇشە مەملەكەت باسشىلارى كەڭەسىنىڭ وتىرىسىنا جانە ۇقشۇ مەن شىۇ - عا مۇشە مەملەكەت باسشىلارىنىڭ بىرلەسكەن وتىرىسىنا بەينەكونفەرەنتسيا ارقىلى قاتىساتىنى اتاپ ءوتىلدى.
- بىزدە، وكىنىشكە وراي، قازىر دە بار... دارىگەرلەر زەرتتەپ جاتىر... مەنىڭ اينالامدا دا وسى كوۆيدپەن ءتۇرلى پروبلەمالار تۋىنداۋدا. وندا نە بولىپ جاتقانىن انىق ءتۇسىنۋىمىز كەرەك. مەنىڭ ويىمشا، مەن جاقىندا كارانتينگە ءتۇسۋىم كەرەك دەپ ويلايمىن. كوپتەگەن ادامدار اۋىرىپ جاتىر، - دەدى ۆلاديمير پۋتين.
ەستەرىڭىزگە سالا كەتەيىك، 13 قىركۇيەكتە ۆلاديمير پۋتين كرەملدە رەسەيلىك پاراليمپيادالىق سپورتشىلارمەن اڭگىمەلەسۋ كەزىندە ونىڭ اينالاسىندا كوپتەگەن ادامدار COVID-19-بەن اۋىرادى دەپ مالىمدەدى جانە جاقىن ارادا ءوزى كارانتينگە ءتۇسۋى كەرەك ەكەنىن جوققا شىعارمادى.
"ادىرنا" ۇلتتىق پورتالى
