Reseı Federaııasynyń Prezıdenti Vladımır Pýtın ózin-ózi oqshaýlaý rejımin saqtaý kerektigin málimdedi. Bul týraly Kreml saıtyndaǵy basylymda aıtylǵan, dep habarlaıdy "Adyrna" ulttyq portaly.
- Vladımır Pýtın Tájikstan Respýblıkasynyń Prezıdenti Emomalı Rahmonmen telefon arqyly sóılesti. Vladımır Pýtın óziniń ortasynda koronavırýstyń anyqtalǵan jaǵdaılaryna baılanysty belgili bir ýaqyt ishinde ózin-ózi oqshaýlaý rejımin saqtaýy kerektigin aıtty - delingen Kremldiń habarlamasynda.
Osyny eskere otyryp, Pýtın Dýshanbede josparlanǵan UQShU Ujymdyq qaýipsizdik keńesiniń sessııasyna, ShYU -ǵa múshe memleket basshylary keńesiniń otyrysyna jáne UQShU men ShYU - ǵa múshe memleket basshylarynyń birlesken otyrysyna beınekonferenııa arqyly qatysatyny atap ótildi.
- Bizde, ókinishke oraı, qazir de bar... Dárigerler zerttep jatyr... Meniń aınalamda da osy kovıdpen túrli problemalar týyndaýda. Onda ne bolyp jatqanyn anyq túsinýimiz kerek. Meniń oıymsha, men jaqynda karantınge túsýim kerek dep oılaımyn. Kóptegen adamdar aýyryp jatyr, - dedi Vladımır Pýtın.
Esterińizge sala keteıik, 13 qyrkúıekte Vladımır Pýtın Kremlde reseılik paralımpıadalyq sportshylarmen áńgimelesý kezinde onyń aınalasynda kóptegen adamdar COVID-19-ben aýyrady dep málimdedi jáne jaqyn arada ózi karantınge túsýi kerek ekenin joqqa shyǵarmady.
"Adyrna" ulttyq portaly
