تالدىقورعاندا ەپيدەميولوگيالىق احۋالدى جانە كوروناۆيرۋستىق ينفەكتسيانى باقىلاۋعا ارنالعان قوسىمشا ەنگىزىلدى. بۇل تۋرالى "JETISÝ MEDIA"اقپاراتتىق الاڭىندا وتكەن ءباسپاسوز -ءماسليحاتى بارىسىندا بەلگىلى بولدى. قوسىمشانى پايدالانۋ بيزنەس نىساندارىنا شەكتەۋ شارالارىنا قاراماستان، ءتىپتى لوكداۋن جاعدايىندا دا جۇمىس ىستەۋگە مۇمكىندىك بەرەدى.
- جوبا QR-كود جانە پتر ورتاق بازاسىمەن ينتەگراتسيا ەسەبىنەن كەلۋشىنىڭ مارتەبەسىن: ول ۆيرۋستىڭ تاسىمالداۋشىسى بولىپ تابىلا ما، جوق پا، سونى انىقتاۋعا مۇمكىندىك بەرەدى. كىرە بەرىستە ادامنىڭ مارتەبەسىن انىقتاۋ ءۇشىن QR-كود سكانەرلەنەدى جانە قوندىرعى كورسەتكەن تۇسىنە قاراي، كەلۋشى مارتەبەسى بەلگىلەنەدى – ونى ىسكە قوسادى نەمەسە مەكەمەگە جىبەرمەيدى، - دەپ اتاپ ءوتتى تالدىقورعان قالاسى اكىمىنىڭ ورىنباسارى ساۋلە ارزانبەكوۆا.
ايتا كەتۋ كەرەك، بۇگىن تالدىقورعانداعى مەكەمەلەردىڭ ءبىرى "Ashyq" جوباسىنا قوسىلىپ، QR-كود الدى.
- بۇگىن تەستىلىك كەزدەسۋ جۇيەنى بيزنەس وبەكتىسى ءۇشىن دە، مەكەمە كەلۋشىلەرى ءۇشىن دە قولدانۋ وتە وڭاي ەكەنىن كورسەتتى. قازىرگى ۋاقىتتا قالا بويىنشا "Ashyq"جوباسىنا قاتىسۋ ءۇشىن بيزنەس سۋبەكتىلەرىنەن 17 ءوتىنىم كەلىپ ءتۇستى. بارلىق جاڭا قاتىسۋشىلار ءۇشىن قاتىسۋعا وتىنىمدەر infokazakhstan.kz سايتى ارقىلى بەرىلەدى. سالالىق قاۋىمداستىق ارقىلى ءوتىنىش بەرەتىن كينوتەاترلاردان، قوعامدىق تاماقتانۋ وبەكتىلەرىنەن، قوسىمشا ءبىلىم بەرۋ ۇيىمدارىنان باسقالارى سايتتى قولدانا الادى، - دەدى الماتى وبلىسى كاسىپكەرلەر پالاتاسى ديرەكتورىنىڭ ەكونوميكالىق ماسەلەلەر جونىندەگى ورىنباسارى داۋرەن وڭالباەۆ.
QR-كود تەك بيزنەس سۋبەكتىلەرىنە بەرىلەدى. جوبانىڭ (ەقجج) تالاپتارىنا سايكەستىگىن تەكسەرگەننەن كەيىن جەكە كابينەتتە ءبىر اپتا بويى وقۋعا جانە تەستىلىك رەجيمدە جۇمىس ىستەۋگە مۇمكىندىك بەرەتىن كود پايدا بولادى. كەلۋشىلەرگە App Store جانە Play Market-تەن "Ashyq" ءموبيلدى قوسىمشاسىن جۇكتەۋ، تەلەفون ءنومىرى بويىنشا تىركەلۋ، جسن ەنگىزۋ جانە ءوزىنىڭ بارۋىن تىركەۋ ءۇشىن مەكەمەنىڭ QR-كودىن سكانەرلەۋ قاجەت. سونداي-اق، شىعۋ كەزىندە شىعۋدى بەكىتۋ ءۇشىن QR كودىن سكانەرلەۋ كەرەك.
كەلۋشىدە سمارتفون بولماعان نەمەسە وسى ءموبيلدى قوسىمشانى جۇكتەۋ كەزىندە قيىندىقتار تۋىنداعان جاعدايدا جاۋاپتى تۇلعاعا-مەكەمە قىزمەتكەرىنە قوسىمشا مۇمكىندىك بەرىلەدى، ونىڭ كومەگىمەن ول كەلۋشىنىڭ جسن ەنگىزۋ ارقىلى كىرۋىن تىركەي الادى.
سونىمەن قاتار، بيزنەس يەسى ءوز كەلۋشىسىنىڭ مارتەبەسىن عانا كورەدى: جاسىل، كوك، سارى نەمەسە قىزىل. ول ادام تۋرالى باسقا دەرەكتەردى كورمەيدى.
- قىزىل مارتەبە قوزعالىستى شەكتەۋدى، امبۋلاتورلىق باقىلاۋداعى ادامدار ءۇشىن ءۇي جاعدايىندا وقشاۋلاۋدىڭ قاتاڭ رەجيمىن ساقتاۋدى بىلدىرەدى. سارى-قوزعالىستى ءىشىنارا شەكتەۋ-پايدالانۋشى پتر دەرەكقورىندا بايلانىس رەتىندە كورسەتىلگەن: پاتسيەنت ۇيدەن وقشاۋلاۋ رەجيمىن ساقتايتىن جەردەن 500 مەتردەن اسپايتىن ازىق-تۇلىك جانە اپپاراتتىق دۇكەندەرگە، دارىحانالارعا بارۋعا رۇقسات ەتىلەدى. كوك-بۇل مارتەبە ءۇشىن پتر مىندەتتى بولاتىن جەرلەردەن باسقا قوزعالىس شەكتەۋلەرى جوق. جاسىل مارتەبە قوزعالىستا ەشقانداي شەكتەۋلەر جوق ەكەنىن بىلدىرەدى جانە بۇل پايدالانۋشى دەرەكتەر بازاسىندا COVID-19-عا تەرىس ناتيجەمەن پتر - تەستىلەۋدەن وتكەن ادام رەتىندە بەلگىلەنگەن ،-دەدى تالدىقورعان قالالىق سانيتارلىق-ەپيدەميولوگيالىق باقىلاۋ باسقارماسى باسشىسىنىڭ ورىنباسارى ساكەن مەلدەباەۆ.
قازىرگى ۋاقىتتا الماتى وبلىسىنىڭ كاسىپكەرلەر پالاتاسىندا بيزنەس-قوعامداستىقپەن جۇمىس جۇرگىزىلۋدە جانە جوباعا قاتىسۋعا نيەت بىلدىرۋشىلەردىڭ ءتىزىمى قالىپتاستىرىلۋدا. "Ashyq" قوسىمشاسىنا قاتىستى بارلىق سۇراقتار بويىنشا 87051900000 جانە 87015872159 تەلەفوندارى بويىنشا "اتامەكەن" وكپ جۇگىنۋگە بولادى.
