قازاقستان پرەزيدەنتى نۇرسۇلتان نازارباەۆ ۆاشينگتون قالاسىندا اقش پرەزيدەنتى دونالد ترامپپەن كەزدەستى، - دەپ حابارلايدى قر پرەزيدەنتىنىڭ ءباسپاسوزى.
قارسى الۋ ءراسىمى اياقتالعان سوڭ نۇرسۇلتان نازارباەۆ اقۇيدىڭ قۇرمەتتى قوناقتار كىتابىنا قولتاڭبا قالدىردى. قازاقستان مەن اقش پرەزيدەنتتەرى كەلىسسوز جۇرگىزىپ، ەكىجاقتى قارىم-قاتىناستىڭ جانە حالىقارالىق كۇن ءتارتىبىنىڭ مەيلىنشە وزەكتى ماسەلەلەرىن تالقىلادى.
دونالد ترامپ رەسمي ساپارمەن كەلگەنى ءۇشىن نۇرسۇلتان نازارباەۆقا ريزاشىلىعىن ءبىلدىرىپ، قازاقستان مەن اقش اراسىندا قالىپتاسقان قاتىناستارعا جوعارى باعا بەردى. ء"سىزدىڭ وسىندا كەلگەنىڭىزگە قۋانىشتىمىن. سىزگە بارلىعى زور قۇرمەتپەن قارايدى. ەكى ەل اراسىنداعى قارىم-قاتىناس كەرەمەت جولعا قويىلعان. قازىر قازاقستاننىڭ جاعدايى وتە جاقسى. ءبىز ءۇشىن ءسىزدى قابىلداۋ زور مارتەبە. ءسىزدىڭ ەلىڭىز ءۇشىن جاساعان ءىسىڭىز، شىنىندا دا، تاماشا", - دەدى اقش پرەزيدەنتى.
نۇرسۇلتان نازارباەۆ رەسمي ساپارمەن كەلۋگە شاقىرعانى ءۇشىن ترامپقا العىس ايتىپ، ونى اقش پرەزيدەنتى لاۋازىمىنا سايلانۋىنىڭ ءبىر جىلدىعىمەن قۇتتىقتادى.
ء"سىزدى پرەزيدەنتتىك قىزمەتىڭىزدىڭ ءبىر جىلدىعىمەن جانە ەكونوميكاداعى زور جەتىستىكتەرىڭىزبەن قۇتتىقتايمىن. قازاقستاننىڭ تاۋەلسىزدىگى مەن اۋماقتىق تۇتاستىعىنا اقش-تىڭ ساياسي قولداۋ كورسەتكەنىن ءبىزدىڭ ەل جوعارى باعالايدى. وسى 26 جىل بويى قازاقستان اقش-پەن دوستىق قارىم-قاتىناستى بەرىك ۇستانىپ كەلەدى. بۇگىنگى ساپار سول سەرىكتەستىكتىڭ دالەلى بولىپ سانالادى", - دەدى مەملەكەت باسشىسى. سوڭىندا نۇرسۇلتان نازارباەۆ ەكىجاقتى ساياسي جانە ەكونوميكالىق ىنتىماقتاستىقتى ودان ءارى تەرەڭدەتۋگە سەنىم ءبىلدىردى. وسىدان كەيىن مەملەكەت باسشىسى نۇرسۇلتان نازارباەۆ اقش پرەزيدەنتى دونالد ترامپپەن جۇرگىزگەن كەلىسسوزدىڭ قورىتىندىسى بويىنشا بۇقارالىق اقپارات قۇرالدارىنىڭ وكىلدەرى ءۇشىن بريفينگ وتكىزدى.
قازاقستان پرەزيدەنتى بريفينگ بارىسىندا ۆاشينگتونعا ساپارمەن كەلۋگە شاقىرعانى ءۇشىن دونالد ترامپقا ريزاشىلىعىن ءبىلدىردى. مەملەكەت باسشىسى كەلىسسوزدەردىڭ ناتيجەلەرىنە وڭ باعا بەرە وتىرىپ، قازاقستان مەن اقش-تىڭ ءوزارا قارىم-قاتىناستارىن ودان ءارى نىعايتۋ ماسەلەلەرىنە توقتالدى.
"مەنىڭ ساپارىمنىڭ ناتيجەسىندە قازاقستان-امەريكا قاتىناستارىن كەڭەيتىلگەن ستراتەگيالىق ارىپتەستىك دەڭگەيىنە كوتەرۋ جونىندە شەشىم شىعاراتىنىمىزعا سەنىمدىمىن. وسىعان وراي ءبىز بۇگىن استانا مەن ۆاشينگتون اراسىنداعى ءوزارا قارىم-قاتىناستاردىڭ جاڭا ءداۋىرىن باستايتىن ءتيىستى بىرلەسكەن ساياسي مالىمدەمە قابىلدادىق", - دەدى قازاقستان پرەزيدەنتى.
نۇرسۇلتان نازارباەۆ اقش-تىڭ ورتالىق ازيا ەلدەرىمەن "5+1" فورماتىنداعى ىنتىماقتاستىعىن نىعايتۋعا قىزىعۋشىلىق تانىتاتىنىن ايتتى. قازاقستان پرەزيدەنتى حالىقارالىق قاۋىپسىزدىكتى نىعايتىپ، قازىرگى زاماننىڭ سىن-قاتەرلەرى مەن قاۋىپتەرىن بىرلەسە ەڭسەرۋ ىسىندە استانا مەن ۆاشينگتوننىڭ ءوزارا ءتيىمدى ىنتىماقتاستىعىن اتاپ ءوتتى. "قازاقستان 2001 جىلى اقش-تىڭ تەرروريزمگە قارسى كۇرەسىن بەلسەندى تۇردە جاقتادى جانە قازىر اۋعانستاندا جۇرگىزىلىپ جاتقان ۇلكەن جۇمىستارعا قولداۋ كورسەتىپ وتىر. امەريكا اسكەرىنىڭ اۋعانستاندا بولۋى تەك اقش-تىڭ عانا ەمەس، بۇكىل الەمنىڭ ءىسى", - دەدى نۇرسۇلتان نازارباەۆ. 
مەملەكەت باسشىسى اۋعانستانعا قازاقستان تاراپىنان كورسەتىلىپ جاتقان گۋمانيتارلىق كومەكتى اتاپ ءوتتى. بۇدان بولەك، قازاقستان پرەزيدەنتى كەلىسسوزدەر بارىسىندا سولتۇستىك كورەيا توڭىرەگىندەگى احۋالعا، سونداي-اق ۆاشينگتون مەن ماسكەۋ اراسىنداعى قاتىناستاردىڭ كۇردەلەنە تۇسۋىنە بايلانىستى ماسەلەلەر تالقىلانعانىن ايتتى.
ء"بىز سولتۇستىك كورەياعا قاتىستى جاھاندىق ماسەلەلەردى تالقىلادىق. قازاقستان الەمدەگى ءتورتىنشى يادرولىق ارسەنالدان باس تارتىپ، الەمدەگى ەڭ ۇلكەن سىناق پوليگونىن جاپتى. يادرولىق قارۋى بار ەلدەرگە ءبىز تاڭداعان جولدى ۇسىنۋعا مورالدىق قۇقىعىمىز بار. يرانمەن دە وسىلاي سويلەستىك. سولتۇستىك كورەيانىڭ پروبلەمالارىن اقش، قىتاي جانە رەسەي ەلدەرىنىڭ بىرلەسە شەشكەنى ماڭىزدى", - دەدى قازاقستان پرەزيدەنتى.
نۇرسۇلتان نازارباەۆ ەكى ەلدىڭ ەكونوميكالىق ىنتىماقتاستىعىنىڭ قازىرگى ماسەلەلەرى مەن ولاردى نىعايتۋ پەرسپەكتيۆالارىنا دا توقتالدى. "قازاقستانعا اقش-تىڭ ءىرى مۇناي كومپانيالارىنان 50 ميلليارد دوللار ينۆەستيتسيا قۇيىلدى. بۇگىن ءبىز ءىرى امەريكالىق بيزنەس وكىلدەرىمەن دوڭگەلەك ۇستەلگە قاتىسامىز. وندا 7,5 ميلليارد دوللاردان اساتىن سوماعا 20-دان استام كەلىسىمشارت جاسالاتىن بولادى. سونداي-اق، ءبىزدىڭ ەلدە اقش ازاماتتارى ءۇشىن ۆيزاسىز رەجىم ەنگىزىلگەن. سوعان سايكەس لايىقتى جاۋاپ بولادى دەپ ۇمىتتەنەمىز", - دەدى مەملەكەت باسشىسى.
سوڭىندا نۇرسۇلتان نازارباەۆ دونالد ترامپتىڭ باسشىلىعىمەن اقش-تىڭ ەكونوميكالىق دامۋعا قول جەتكىزىپ وتىرعانىنا جوعارى باعا بەردى. اقش پرەزيدەنتى وتكىزىلگەن ديالوگتىڭ ماڭىزدىلىعىن اتاپ ءوتىپ، ەكى ەل اراسىنداعى ىنتىماقتاستىقتىڭ ستراتەگيالىق ماڭىزىنا توقتالدى.
ء"بىز ءسىزدى اقۇيدە قابىلداعانىمىزعا قۋانىشتىمىز. ەلدەرىمىزدىڭ ءوزارا ىقپالداستىعىنا قاتىستى ماڭىزدى ديالوگ وتكىزۋ ماقساتىمەن بۇگىن بىزگە كەلگەنىڭىز ءۇشىن راقمەت. شيرەك عاسىردان استام ۋاقىت بويى اقش قازاقستاندى، مىقتى ەگەمەن ءارى تاۋەلسىز ەلدى، ورتالىق ازياداعى باعا جەتپەس دوس جانە ستراتەگيالىق سەرىكتەس رەتىندە قاراستىرىپ كەلدى", - دەدى دونالد ترامپ.
اقش پرەزيدەنتى قازاقستان مەن اقش-تىڭ يادرولىق قارۋدى تاراتپاۋ جانە وڭىرلىك قاۋىپسىزدىكتى نىعايتۋ ىسىندەگى بىرلەسكەن كۇش-جىگەرىن اتاپ ءوتتى. "اقش پەن قازاقستان وڭىردە جانە ودان تىس جەرلەردە بەيبىتشىلىك پەن قاۋىپسىزدىكتى قولداۋ ءۇشىن بىرلەسە جۇمىس ىستەدى. ءبىز قازاقستانداعى يادرولىق قارۋدى جانە ونىڭ ينفراقۇرىلىمىن جويىپ، بالالارىمىز ءۇشىن قاۋىپسىز ءارى سالاماتتى بولاشاقتى بىرلەسە قامتاماسىز ەتتىك. بۇگىن قازاقستان پرەزيدەنتى ەكەۋىمىز ءبىزدىڭ قارىم-قاتىناستارىمىز حالىقتارىمىزدىڭ قاۋىپسىزدىگىنە، وركەندەۋى مەن ءال-اۋقاتىنا قالاي سەپتىگىن تيگىزەتىنىنە قاتىستى ديالوگ جۇرگىزىپ وتىرمىز. كورەي تۇبەگىن دەنۋكلەاريزاتسيالاۋ ءۇشىن كۇش بىرىكتىرۋ ىسىندە قازاقستان باعا جەتپەس سەرىكتەس بولىپ سانالادى. ءبىز سولتۇستىك كورەياداعى رەجىمنىڭ بۇكىل الەمگە يادرولىق اپاتپەن سەس كورسەتۋىن بولدىرماۋعا بەل بۋىپ وتىرمىز", - دەدى اقش پرەزيدەنتى.
دونالد ترامپ اۋعانستان ماسەلەسىن شەشۋگە اتسالىسقانى ءۇشىن قازاقستان پرەزيدەنتىنە العىس ايتتى. "يليم-مەن جانە "تاليباندارمەن" سوعىس جۇرگىزىپ جاتقان ءبىزدىڭ قارۋلى كۇشتەرگە قازاقستان لوگيستيكا جانە جول اشۋ تۇرعىسىنان قولداۋ كورسەتە بەرەتىنى جونىندە پرەزيدەنتتىڭ ءوزى ايتقانىن اسا جوعارى باعالايمىن", - دەدى اقۇيدىڭ باسشىسى. سونداي-اق، دونالد ترامپ كورشىلەرىن قۇرمەتتەيتىن جانە ءوز تاعدىرىن باقىلاۋدا ۇستايتىن قازاقستان سياقتى ەلدەرمەن اقش ىنتىماقتاستىقتى نىعايتا بەرەتىنىن ايتتى.
"قازاقستان 2050 جىلعا قاراي جاھاندىق ەكونوميكانىڭ العاشقى وتىزدىعىنا كىرۋدى جوسپارلاپ وتىرعانىن پرەزيدەنتتىڭ ءوزى ايتىپ بەرگەنىنە ريزامىن. ول قازاقستانداعى ىسكەرلىك احۋالدى جاقسارتۋ ءۇشىن دە جۇمىس ىستەپ جاتىر. بۇل جاعداي امەريكا كومپانيالارى ءۇشىن جاڭا مۇمكىندىكتەر تۋعىزىپ، جاڭا جۇمىس ورىندارىن اشادى", - دەدى اقش پرەزيدەنتى. سوڭىندا دونالد ترامپ قازاقستاندى دامىتۋ مەن وركەندەتۋ ىسىندەگى نۇرسۇلتان نازارباەۆتىڭ ءرولىن تاعى دا اتاپ ءوتتى. "مەن ءسىزدىڭ كەرەمەت باسشىلىعىڭىزدىڭ ارقاسىندا قازاقستان حالقى قول جەتكىزگەن زور جەتىستىكتى كورۋ مۇمكىندىگىن اسىعا كۇتەمىن. ءبىز قازاقستاندا جاقسى، ەگەمەندى جانە وركەندەۋگە باعىتتالعان بولاشاق بولعانىن قالايمىز. ءدال وسىنى الەمنىڭ بارلىق بەيبىتسۇيگىش حالىقتارىنا دا تىلەيمىز", - دەدى دونالد ترامپ.
نۇرسۇلتان نازارباەۆ رەسمي ساپارمەن كەلۋگە شاقىرعانى ءۇشىن ترامپقا العىس ايتىپ، ونى اقش پرەزيدەنتى لاۋازىمىنا سايلانۋىنىڭ ءبىر جىلدىعىمەن قۇتتىقتادى.
ء"سىزدى پرەزيدەنتتىك قىزمەتىڭىزدىڭ ءبىر جىلدىعىمەن جانە ەكونوميكاداعى زور جەتىستىكتەرىڭىزبەن قۇتتىقتايمىن. قازاقستاننىڭ تاۋەلسىزدىگى مەن اۋماقتىق تۇتاستىعىنا اقش-تىڭ ساياسي قولداۋ كورسەتكەنىن ءبىزدىڭ ەل جوعارى باعالايدى. وسى 26 جىل بويى قازاقستان اقش-پەن دوستىق قارىم-قاتىناستى بەرىك ۇستانىپ كەلەدى. بۇگىنگى ساپار سول سەرىكتەستىكتىڭ دالەلى بولىپ سانالادى", - دەدى مەملەكەت باسشىسى. سوڭىندا نۇرسۇلتان نازارباەۆ ەكىجاقتى ساياسي جانە ەكونوميكالىق ىنتىماقتاستىقتى ودان ءارى تەرەڭدەتۋگە سەنىم ءبىلدىردى. وسىدان كەيىن مەملەكەت باسشىسى نۇرسۇلتان نازارباەۆ اقش پرەزيدەنتى دونالد ترامپپەن جۇرگىزگەن كەلىسسوزدىڭ قورىتىندىسى بويىنشا بۇقارالىق اقپارات قۇرالدارىنىڭ وكىلدەرى ءۇشىن بريفينگ وتكىزدى.
قازاقستان پرەزيدەنتى بريفينگ بارىسىندا ۆاشينگتونعا ساپارمەن كەلۋگە شاقىرعانى ءۇشىن دونالد ترامپقا ريزاشىلىعىن ءبىلدىردى. مەملەكەت باسشىسى كەلىسسوزدەردىڭ ناتيجەلەرىنە وڭ باعا بەرە وتىرىپ، قازاقستان مەن اقش-تىڭ ءوزارا قارىم-قاتىناستارىن ودان ءارى نىعايتۋ ماسەلەلەرىنە توقتالدى.
"مەنىڭ ساپارىمنىڭ ناتيجەسىندە قازاقستان-امەريكا قاتىناستارىن كەڭەيتىلگەن ستراتەگيالىق ارىپتەستىك دەڭگەيىنە كوتەرۋ جونىندە شەشىم شىعاراتىنىمىزعا سەنىمدىمىن. وسىعان وراي ءبىز بۇگىن استانا مەن ۆاشينگتون اراسىنداعى ءوزارا قارىم-قاتىناستاردىڭ جاڭا ءداۋىرىن باستايتىن ءتيىستى بىرلەسكەن ساياسي مالىمدەمە قابىلدادىق", - دەدى قازاقستان پرەزيدەنتى.
نۇرسۇلتان نازارباەۆ اقش-تىڭ ورتالىق ازيا ەلدەرىمەن "5+1" فورماتىنداعى ىنتىماقتاستىعىن نىعايتۋعا قىزىعۋشىلىق تانىتاتىنىن ايتتى. قازاقستان پرەزيدەنتى حالىقارالىق قاۋىپسىزدىكتى نىعايتىپ، قازىرگى زاماننىڭ سىن-قاتەرلەرى مەن قاۋىپتەرىن بىرلەسە ەڭسەرۋ ىسىندە استانا مەن ۆاشينگتوننىڭ ءوزارا ءتيىمدى ىنتىماقتاستىعىن اتاپ ءوتتى. "قازاقستان 2001 جىلى اقش-تىڭ تەرروريزمگە قارسى كۇرەسىن بەلسەندى تۇردە جاقتادى جانە قازىر اۋعانستاندا جۇرگىزىلىپ جاتقان ۇلكەن جۇمىستارعا قولداۋ كورسەتىپ وتىر. امەريكا اسكەرىنىڭ اۋعانستاندا بولۋى تەك اقش-تىڭ عانا ەمەس، بۇكىل الەمنىڭ ءىسى", - دەدى نۇرسۇلتان نازارباەۆ.
مەملەكەت باسشىسى اۋعانستانعا قازاقستان تاراپىنان كورسەتىلىپ جاتقان گۋمانيتارلىق كومەكتى اتاپ ءوتتى. بۇدان بولەك، قازاقستان پرەزيدەنتى كەلىسسوزدەر بارىسىندا سولتۇستىك كورەيا توڭىرەگىندەگى احۋالعا، سونداي-اق ۆاشينگتون مەن ماسكەۋ اراسىنداعى قاتىناستاردىڭ كۇردەلەنە تۇسۋىنە بايلانىستى ماسەلەلەر تالقىلانعانىن ايتتى.
ء"بىز سولتۇستىك كورەياعا قاتىستى جاھاندىق ماسەلەلەردى تالقىلادىق. قازاقستان الەمدەگى ءتورتىنشى يادرولىق ارسەنالدان باس تارتىپ، الەمدەگى ەڭ ۇلكەن سىناق پوليگونىن جاپتى. يادرولىق قارۋى بار ەلدەرگە ءبىز تاڭداعان جولدى ۇسىنۋعا مورالدىق قۇقىعىمىز بار. يرانمەن دە وسىلاي سويلەستىك. سولتۇستىك كورەيانىڭ پروبلەمالارىن اقش، قىتاي جانە رەسەي ەلدەرىنىڭ بىرلەسە شەشكەنى ماڭىزدى", - دەدى قازاقستان پرەزيدەنتى.
نۇرسۇلتان نازارباەۆ ەكى ەلدىڭ ەكونوميكالىق ىنتىماقتاستىعىنىڭ قازىرگى ماسەلەلەرى مەن ولاردى نىعايتۋ پەرسپەكتيۆالارىنا دا توقتالدى. "قازاقستانعا اقش-تىڭ ءىرى مۇناي كومپانيالارىنان 50 ميلليارد دوللار ينۆەستيتسيا قۇيىلدى. بۇگىن ءبىز ءىرى امەريكالىق بيزنەس وكىلدەرىمەن دوڭگەلەك ۇستەلگە قاتىسامىز. وندا 7,5 ميلليارد دوللاردان اساتىن سوماعا 20-دان استام كەلىسىمشارت جاسالاتىن بولادى. سونداي-اق، ءبىزدىڭ ەلدە اقش ازاماتتارى ءۇشىن ۆيزاسىز رەجىم ەنگىزىلگەن. سوعان سايكەس لايىقتى جاۋاپ بولادى دەپ ۇمىتتەنەمىز", - دەدى مەملەكەت باسشىسى.
سوڭىندا نۇرسۇلتان نازارباەۆ دونالد ترامپتىڭ باسشىلىعىمەن اقش-تىڭ ەكونوميكالىق دامۋعا قول جەتكىزىپ وتىرعانىنا جوعارى باعا بەردى. اقش پرەزيدەنتى وتكىزىلگەن ديالوگتىڭ ماڭىزدىلىعىن اتاپ ءوتىپ، ەكى ەل اراسىنداعى ىنتىماقتاستىقتىڭ ستراتەگيالىق ماڭىزىنا توقتالدى.
ء"بىز ءسىزدى اقۇيدە قابىلداعانىمىزعا قۋانىشتىمىز. ەلدەرىمىزدىڭ ءوزارا ىقپالداستىعىنا قاتىستى ماڭىزدى ديالوگ وتكىزۋ ماقساتىمەن بۇگىن بىزگە كەلگەنىڭىز ءۇشىن راقمەت. شيرەك عاسىردان استام ۋاقىت بويى اقش قازاقستاندى، مىقتى ەگەمەن ءارى تاۋەلسىز ەلدى، ورتالىق ازياداعى باعا جەتپەس دوس جانە ستراتەگيالىق سەرىكتەس رەتىندە قاراستىرىپ كەلدى", - دەدى دونالد ترامپ.
اقش پرەزيدەنتى قازاقستان مەن اقش-تىڭ يادرولىق قارۋدى تاراتپاۋ جانە وڭىرلىك قاۋىپسىزدىكتى نىعايتۋ ىسىندەگى بىرلەسكەن كۇش-جىگەرىن اتاپ ءوتتى. "اقش پەن قازاقستان وڭىردە جانە ودان تىس جەرلەردە بەيبىتشىلىك پەن قاۋىپسىزدىكتى قولداۋ ءۇشىن بىرلەسە جۇمىس ىستەدى. ءبىز قازاقستانداعى يادرولىق قارۋدى جانە ونىڭ ينفراقۇرىلىمىن جويىپ، بالالارىمىز ءۇشىن قاۋىپسىز ءارى سالاماتتى بولاشاقتى بىرلەسە قامتاماسىز ەتتىك. بۇگىن قازاقستان پرەزيدەنتى ەكەۋىمىز ءبىزدىڭ قارىم-قاتىناستارىمىز حالىقتارىمىزدىڭ قاۋىپسىزدىگىنە، وركەندەۋى مەن ءال-اۋقاتىنا قالاي سەپتىگىن تيگىزەتىنىنە قاتىستى ديالوگ جۇرگىزىپ وتىرمىز. كورەي تۇبەگىن دەنۋكلەاريزاتسيالاۋ ءۇشىن كۇش بىرىكتىرۋ ىسىندە قازاقستان باعا جەتپەس سەرىكتەس بولىپ سانالادى. ءبىز سولتۇستىك كورەياداعى رەجىمنىڭ بۇكىل الەمگە يادرولىق اپاتپەن سەس كورسەتۋىن بولدىرماۋعا بەل بۋىپ وتىرمىز", - دەدى اقش پرەزيدەنتى.
دونالد ترامپ اۋعانستان ماسەلەسىن شەشۋگە اتسالىسقانى ءۇشىن قازاقستان پرەزيدەنتىنە العىس ايتتى. "يليم-مەن جانە "تاليباندارمەن" سوعىس جۇرگىزىپ جاتقان ءبىزدىڭ قارۋلى كۇشتەرگە قازاقستان لوگيستيكا جانە جول اشۋ تۇرعىسىنان قولداۋ كورسەتە بەرەتىنى جونىندە پرەزيدەنتتىڭ ءوزى ايتقانىن اسا جوعارى باعالايمىن", - دەدى اقۇيدىڭ باسشىسى. سونداي-اق، دونالد ترامپ كورشىلەرىن قۇرمەتتەيتىن جانە ءوز تاعدىرىن باقىلاۋدا ۇستايتىن قازاقستان سياقتى ەلدەرمەن اقش ىنتىماقتاستىقتى نىعايتا بەرەتىنىن ايتتى.
"قازاقستان 2050 جىلعا قاراي جاھاندىق ەكونوميكانىڭ العاشقى وتىزدىعىنا كىرۋدى جوسپارلاپ وتىرعانىن پرەزيدەنتتىڭ ءوزى ايتىپ بەرگەنىنە ريزامىن. ول قازاقستانداعى ىسكەرلىك احۋالدى جاقسارتۋ ءۇشىن دە جۇمىس ىستەپ جاتىر. بۇل جاعداي امەريكا كومپانيالارى ءۇشىن جاڭا مۇمكىندىكتەر تۋعىزىپ، جاڭا جۇمىس ورىندارىن اشادى", - دەدى اقش پرەزيدەنتى. سوڭىندا دونالد ترامپ قازاقستاندى دامىتۋ مەن وركەندەتۋ ىسىندەگى نۇرسۇلتان نازارباەۆتىڭ ءرولىن تاعى دا اتاپ ءوتتى. "مەن ءسىزدىڭ كەرەمەت باسشىلىعىڭىزدىڭ ارقاسىندا قازاقستان حالقى قول جەتكىزگەن زور جەتىستىكتى كورۋ مۇمكىندىگىن اسىعا كۇتەمىن. ءبىز قازاقستاندا جاقسى، ەگەمەندى جانە وركەندەۋگە باعىتتالعان بولاشاق بولعانىن قالايمىز. ءدال وسىنى الەمنىڭ بارلىق بەيبىتسۇيگىش حالىقتارىنا دا تىلەيمىز", - دەدى دونالد ترامپ.
tengrinews.kz
