2025 جىلعى 25 قاڭتاردا موڭعوليادا ەل پرەزيدەنتىنىڭ باستاماسىمەن «درون-2025» اتتى ۇلتتىق درونداردى باسقارۋ چەمپيوناتىنىڭ اشىلۋى ءوتتى، دەپ حابارلايدى "ادىرنا" ۇلتتىق پورتالى مونتسامە-گە سىلتەمە جاساپ.
بۇل جارىس «بۋيانت-ۋحاا» سپورت كەشەنىندە ۇيىمداستىرىلىپ، ەلدىڭ ءار ايماعىنان ماماندار مەن اۋەسقويلاردى جينادى.
چەمپيونات درون تەحنولوگيالارىن ناسيحاتتاۋعا، ولاردى ۇلتتىق قاۋىپسىزدىك، اۋىل شارۋاشىلىعى جانە باسقا دا ماڭىزدى سالالارداعى مىندەتتەردى شەشۋگە بەيىمدەۋگە باعىتتالعان. قاتىسۋشىلار كاسىبي، اۋەسقويلىق، ويىن تۇرلەرى جانە وزدىگىنەن قۇراستىرۋ ساناتتارى بويىنشا باق سىنادى.
«درون-2025» ۇلتتىق چەمپيوناتىنىڭ جەڭىمپازدارىنىڭ ەسىمدەرى 26 قاڭتاردا بەلگىلى بولدى.
بۇل جارىس موڭعوليادا يننوۆاتسيالىق تەحنولوگيالاردى دامىتۋدا ماڭىزدى قادام بولىپ قانا قويماي، ەلدىڭ درون تەحنولوگيالارى سالاسىنداعى حالىقارالىق ارەناداعى ورنىن نىعايتۋعا ىقپال ەتەتىن ەلەۋلى شاراعا اينالدى.
