يسپانيانىڭ كاتالونيا ايماعىندا 100 مىڭنان استام ادام ەل تاۋەلسىزدىگىن تالاپ ەتىپ، ميتينگكە شىقتى. بۇل تۋرالى Reuters جازدى، دەپ حابارلايدى «ادىرنا» ءتىلشىسى.
شەرۋدى كاتالونيا ۇلتتىق اسسامبلەياسى ۇيىمداستىرعان.
پوليتسيانىڭ مالىمەتىنشە، كوشەگە شامامەن 108 مىڭ ادام شىققان. ال ۇيىمداستىرۋشىلار ولاردىڭ سانى 400 مىڭنان كوپ بولعانىن العا تارتىپ وتىر. بۇل 2017 جىلعى نارازىلىق كەزىندە قاماۋعا الىنعان، ازاتتىقتى تالاپ ەتكەن قوزعالىستىڭ 9 كوشباسشىسى بوستاندىققا شىققاننان كەيىنگى ەڭ ءىرى ەرەۋىل بولىپ وتىر.
پوليتسيا ونداعان بەلسەندىنى قاماۋعا الدى.
ايتا كەتەيىك، كەلەسى اپتادا ورتالىق جانە ايماقتىق ۇكىمەتتەر بارسەلونادا 2020 جىلدىڭ اقپان ايىنان باستاپ توقتاتىلعان كاتالونياداعى ساياسي قاقتىعىس تۋرالى كەلىسسوزدەردى قايتا باستاۋ ءۇشىن كەزدەسەدى دەپ كۇتىلۋدە. الايدا يسپانيا ۇكىمەتىنىڭ توراعاسى پەدرو سانچەس بۇل كەلىسسوزدەرگە قاتىساتىندىعىن ءالى راستاعان جوق.
«ادىرنا» ۇلتتىق پورتالى
