قازاقستان پرەزيدەنتى نۇرسۇلتان نازارباەۆ رەسمي ساپارمەن ۆاشينگتونعا باردى دەپ حابارلادى 16 قاڭتاردا اقوردانىڭ ءباسپاسوز قىزمەتى. نازارباەۆ ساپار بارىسىندا اقش پرەزيدەنتى دونالد ترامپپەن، رەسمي جانە ىسكەر توپ وكىلدەرىمەن كەزدەسپەك. نازارباەۆ 16-18 قاڭتار ارالىعىنداعى ساپارىندا سونىمەن قاتار بۇۇ قاۋىپسىزدىك كەڭەسىنىڭ جيىنىنا دا قاتىسادى.
بۇعان دەيىن اق ءۇيدىڭ ءباسپاسوز قىزمەتى ۆاشينگتوندا ەكى ەل پرەزيدەنتى ايماقتىق قاۋىپسىزدىك، ەكونوميكالىق ماسەلەلەر مەن اقش-قازاقستان اراسىنداعى قارىم-قاتىناستى تالقىلايتىنىن، بىرنەشە حالىقارالىق ماسەلەلەردى، سونىڭ ىشىندە اۋعانستانداعى جاعدايدى ءسوز ەتەتىنىن حابارلاعان.
ال قازاقستاننىڭ مەملەكەتتىك اقپارات اگەنتتىكتەرى ەكى ەل پرەزيدەنتى رەسەيمەن قارىم-قاتىناس، سيرياداعى سوعىس جانە ساۋدا ماسەلەلەرىن تالقىلايتىنىن حابارلاعان.
قازاقستاندىق كەيبىر ساراپشىلاردىڭ بولجامىنشا، پرەزيدەنت نۇرسۇلتان نازارباەۆتىڭ اقش-قا ساپارىندا دەموكراتيا مەن ادام قۇقىعى ماسەلەلەرى تالقىلانۋى ەكىتالاي. ماماندار “اقش پرەزيدەنتى دونالد ترامپ پەن نازارباەۆ ۇلتتىق قوردىڭ امەريكالىق بانكتە "بۇعاتتالىپ جاتقان" اقشاسى ءسوز ەتۋى عاجاپ ەمەسىن» ايتادى.
azattyq.org