ايگىلى قازاقستاندىق رەجيسسەر الي شەر سۋلەيمەن ءدىني راديكاليزممەن كۇرەسۋ جايلى ءوز پىكىرىمەن ءبولىستى، دەپ حابارلايدى «ادىرنا» ءتىلشىسى.
«ءدىني راديكاليزمنەن حالقىمىزدى قورعايتىن قانىمىزدا الماس قىلىش بار، ول – ءبىزدىڭ ۇلتتىق ءداستۇر-سالتىمىز. عاسىرلار بويى شىڭدالىپ، ەلىمىزگە سىڭگەن ءداستۇر-سالتىمىزدىڭ ومىرتاقىسىندا: كىشىنىڭ ۇلكەنگە، اعانىڭ ىنىگە، بالانىڭ اتا-اناعا، ەر ادامنىڭ ايەلگە دەگەن قاتىناسىندا - مەيىرىمدىلىك، سابىرلىق، كىشىپەيىلدىلىك، ۇستامدىلىق، ىنساپ دەگەن يماندىلىقتىڭ ءتۇپ تامىرىن قۇرايتىن ۇعىمدار جاتىر. ەگەر سالت-ءداستۇرىمىزدى قاستەرلەسەك، تاربيەنىڭ قىلىش-قالقانى وسى»،– دەدى ول.
سونداي-اق رەجيسسەر ءدىني اعارتۋدى دامىتۋ كەرەك ەكەنىن اتاپ ءوتتى.
«قالاي، قاشان كەلگەن ءدىن، قاي ءدىن؟دىن تاريحى، ءدىني اعارتۋ پاندەرى ارقىلى مەكتەپتەن باستاپ زەرتتەۋ ارتىق بولماس. جاستارىمىزعا مەنىڭ ويىمشا سوندا عانا ءدىندى ەركىن تۇسىنۋگە، جەتە تۇسىنۋگە سانالى جول اشىلادى»،– دەپ ءسوزىن تولىقتىردى ا.سۋلەيمەن.
«ادىرنا» ۇلتتىق پورتالى
