Áıgili qazaqstandyq rejısser Alı Sher Sýleımen dinı radıkalızmmen kúresý jaıly óz pikirimen bólisti, dep habarlaıdy «Adyrna» tilshisi.
«Dinı radıkalızmnen halqymyzdy qorǵaıtyn qanymyzda almas qylysh bar, ol – bizdiń ulttyq dástúr-saltymyz. Ǵasyrlar boıy shyńdalyp, elimizge sińgen dástúr-saltymyzdyń omyrtaqysynda: kishiniń úlkenge, aǵanyń inige, balanyń ata-anaǵa, er adamnyń áıelge degen qatynasynda - meıirimdilik, sabyrlyq, kishipeıildilik, ustamdylyq, ynsap degen ımandylyqtyń túp tamyryn quraıtyn uǵymdar jatyr. Eger salt-dástúrimizdi qasterlesek, tárbıeniń qylysh-qalqany osy»,– dedi ol.
Sondaı-aq rejısser dinı aǵartýdy damytý kerek ekenin atap ótti.
«Qalaı, qashan kelgen din, qaı din?Din tarıhy, dinı aǵartý pánderi arqyly mektepten bastap zertteý artyq bolmas. Jastarymyzǵa meniń oıymsha sonda ǵana dindi erkin túsinýge, jete túsinýge sanaly jol ashylady»,– dep sózin tolyqtyrdy A.Sýleımen.
«Adyrna» ulttyq portaly
