سيريانىڭ وڭتۇستىك-باتىسىندا ورنالاسقان دەراا قالاسىندا ەكسترەميستتىك توپتاردىڭ سودىرلارى وكىمەتكە ءوز قولىنداعى قارۋلارىن تاپسىردى. بۇل جايىندا تاسس اقپاراتتىق اگەنتتىگى حابار تاراتتى.
ەكسترەميستتىك توپتاردىڭ سودىرلارى سيريا وكىمەتىنە مينومەتتەر، گراناتامەتتەر، اتىس قارۋلارىنىڭ 300 داناسىن تابىستاعان. قارۋلاردى وكىمەتكە تاپسىرۋ ولارعا جاسالاتىن ارنايى امنيستيانى مالىمدەگەننەن كەيىن ىسكە اسقان.
قازىر بۇل سودىرلار دەراا قالاسىن تاستاپ، يدليب ايماعىنا اتتانعالى جاتىر. سيريانىڭ سولتۇستىك ايماعىندا دا قارۋسىزداندىرۋ پروتسەستەرىنە قاتىسادى دەگەن دەرەكتەر تاراپ جاتىر.
قازىر سيريانىڭ دەراا قالاسىندا تازارتۋ جۇمىستارى ءجۇرىپ جاتىر. قالاعا سيريانىڭ اسكەرلەرى كىرىپ، ۇلتتىق تۋىن تىگىپ قويدى.
«ادىرنا» ۇلتتىق پورتالى
