بيىل باكالاۆريات، ماگيستراتۋرا جانە دوكتورانتۋرادا ءبىلىم الۋشىلاردىڭ شاكىرتاقىسى كوبەيدى. بۇل تۋرالى ءبىلىم جانە عىلىم مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
ۇكىمەتتىڭ 2021 جىلعى 3 قىركۇيەكتەگى قاۋلىسىمەن ءبىلىم بەرۋ ۇيىمدارىندا ءبىلىم الۋشىلارعا مەملەكەتتىك شاكىرتاقىنى تاعايىنداۋ، تولەۋ جانە مولشەرىن بەلگىلەۋ ەرەجەسىنە وزگەرىستەر مەن تولىقتىرۋلار ەنگىزىلدى.
مەملەكەتتىك ءبىلىم بەرۋ تاپسىرىسى بويىنشا وقيتىن ستۋدەنتتەر ءۇشىن اي سايىنعى مەملەكەتتىك شاكىرتاقىنىڭ مولشەرى بەلگىلەنەدى:
– ءبىلىم بەرۋدىڭ پەداگوگيكالىق باعىتتارى مەن “دەنساۋلىق ساقتاۋ” باعىتى بويىنشا وقيتىن ستۋدەنتتەردى قوسپاعاندا، جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا وقيتىن ستۋدەنتتەر – 31 423 تەڭگە;
– جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا وقىتۋدىڭ پەداگوگيكالىق باعىتتارى بويىنشا ءبىلىم الاتىن ستۋدەنتتەرگە – 50 400 تەڭگە;
– جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا “دەنساۋلىق ساقتاۋ” دايارلاۋ باعىتىندا وقيتىن ستۋدەنتتەرگە – 50 400 تەڭگە;
– تاعىلىمدامادان وتۋشىلەر – 59 289 تەڭگە;
– ماگيسترانتتار – 76 950 تەڭگە;
– “نازارباەۆ ۋنيۆەرسيتەتى” دەربەس ءبىلىم بەرۋ ۇيىمىندا وقيتىن ماگيسترانتتار – 143 750 تەڭگە;
– دوكتورانتتار – 172 500 تەڭگە;
– “دەنساۋلىق ساقتاۋ” دايارلاۋ باعىتى بويىنشا دوكتورانتتارعا – 172 500 تەڭگە;
– “دەنساۋلىق ساقتاۋ” ماماندىعى بويىنشا وقىتۋ باعىتىندا رەزيدەنت دارىگەرلەر مەن ماگيسترانتتار – 88 494 تەڭگە;
– قازاقستان رەسپۋبليكاسى جوعارعى سوتى جانىنداعى سوت تورەلىگى اكادەمياسىنىڭ ماگيسترانتتارى، مەملەكەتتىك ورگانداردان وقىتۋعا باعىتتالعان – سوڭعى جۇمىس ورنىنداعى لاۋازىمدىق جالاقى دەڭگەيىندە، بىراق ماگيسترانتتار ءۇشىن بەلگىلەنگەن مەملەكەتتىك شاكىرتاقى مولشەرىنەن تومەن ەمەس.
– ەڭبەك بىلىكتىلىگى بويىنشا تەحنيكالىق جانە كاسىپتىك ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا وقيتىن ستۋدەنتتەرگە – 21 787 تەڭگە.
– تەحنيكالىق جانە كاسىپتىك ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا وقيتىن ستۋدەنتتەرگە ارنالعان مەملەكەتتىك ستيپەنديا (ورتا بۋىن ماماندارىن دايىنداۋدى قاراستىراتىن), ورتادان كەيىنگى ءبىلىم – 20 948 تەڭگە.
بۇل رەتتە ەكولوگيالىق اپات ايماعىندا تۇراتىن ستۋدەنتتەرگە شاكىرتاقى ەكولوگيالىق قولايسىز جاعدايدا ءومىر ءسۇرۋ كوەففيتسيەنتىن پايدالانا وتىرىپ تولەنەدى.
”ادىرنا” ۇلتتىق پورتالى
