بۇگىن ماڭعىستاۋ وبلىسىنىڭ اكىمى نۇرلان نوعاەۆ اپپارات جيىنىندا وسىلاي دەدى، دەپ حابارلايدى "ادىرنا" ۇلتتىق پورتالى.
وبلىس اكىمدىگىنە قاراستى قۇرىلىمدىق جانە اۋماقتىق بولىمشەلەردىڭ باسشىلارى جينالعان كەڭەستە نۇرلان نوعاەۆ جينالعانداردىڭ نازارىن پرەزيدەنت جولداۋىندا كورسەتىلگەن تاپسىرمالاردى مۇلتىكسىز ورىنداۋ قاجەتتىگىنە اۋداردى.
اتاپ ايتقاندا، وبلىس اكىمى قىس مەزگىلىنە جەم-ءشوپ قورىن دايىنداۋ، جىلۋ بەرۋ ماۋسىمىنا دايىندىقتى، سونداي-اق حالىقتى اۋىز سۋمەن ۇزدىكسىز قامتاماسىز ەتۋگە باعىتتالعان جوبالاردى ىسكە اسىرۋعا باقىلاۋدى كۇشەيتۋ كەرەكتىگىن اتاپ ءوتتى.
سونداي-اق باسقوسۋدا وڭىردەگى ەپيدەميولوگيالىق جاعداي تالقىلاندى. نۇرلان نوعاەۆ وسى باعىتتاردىڭ بارلىعىن ماڭعىستاۋ وبلىسىنىڭ كەشەندى دامۋ جوسپارىنا ەنگىزۋدى تاپسىردى.
"حالىقتىڭ مەملەكەتتىك ورگاندارعا دەگەن سەنىمىن قالىپتاستىراتىن نەگىزگى فاكتورلاردىڭ ءبىرى - "حالىق ۇنىنە قۇلاق اساتىن مەملەكەت" تۇجىرىمداماسىندا كورسەتىلگەن شارالاردى جۇزەگە اسىرۋ بولىپ تابىلادى", - دەپ اتاپ ءوتتى وبلىس اكىمى. — مەملەكەتتىك قىزمەتشىلەر ءوڭىر تۇرعىندارى ءۇشىن بارىنشا اشىق بولۋعا ءتيىس. جاقىن ارادا اكىمدىك پەن تۇرعىندار اراسىندا ءوزارا بايلانىسىن كۇشەيتۋگە ارنالعان بىرقاتار شارالار قابىلداناتىن بولادى.
سونداي-اق، نۇرلان نوعاەۆ ەڭبەك داۋلارى ماسەلەسىن قوزعادى.
"جۇمىسشى مەن جۇمىس بەرۋشىنىڭ اراسىنداعى بارلىق ەڭبەك داۋلارى زاڭ اياسىندا كونسترۋكتيۆتى ديالوگ ارقىلى شەشىلۋى ءتيىس", — دەدى وبلىس اكىمى.
اپپارات جيىنىنىڭ قورىتىندىسى بويىنشا جاۋاپتى تۇلعالارعا بىرقاتار ناقتى تاپسىرمالار بەرىلدى.
"ادىرنا" ۇلتتىق پورتالى.
