مەملەكەت باسشىسى ق.ك.توقاەۆ التىنشى شاقىرىلىمداعى پارلامەنتتىڭ 6-سەسسياسىنا قاتىسىپ، قازاقستان حالقىنا ارناعان كەزەكتى جولداۋىن جاريالادى.
قوعامدا كوپتەن بەرى تالقىلانىپ كەلە جاتقان جەرگە بايلانىستى جەرىمىزدىڭ شەتەلدىكتەرگە ساتىلمايتىنىن مالىمدەپ، ەل ۇكىمەتىنە اۋىل شارۋاشىلىعى جەرلەرىن تولىققاندى ەكونوميكالىق اينالىمعا ەنگىزۋدىڭ وزگە ءادىس-تاسىلدەرىن ازىرلەۋ بويىنشا ناقتى تاپسىرما بەردى.
مەملەكەت باسشىسى قازاقستاننىڭ ەكونوميكالىق باعىتى 7 نەگىزگە سۇيەنۋ كەرەكتىگىن مەڭزەپ، ەكونوميكا حالىقتىڭ ءال-اۋقاتىن جاقسارتۋعا جۇمىس ىستەۋى تيىستىگىنە توقتالدى. پرەزيدەنتىنىڭ ايتۋىنشا، يگىلىك پەن مىندەتتى تەڭ ءبولۋ، جەكە كاسىپكەرلىكتىڭ جەتەكشى ءرولى، جاڭا كاسىپكەرلەرگە ارنالعان نارىقتى قالىپتاستىرىپ، ءادىل باسەكەلەستىككە جاعداي جاساۋ – نەگىزگى باعىتتار قاتارىندا بولماق. سونىمەن قاتار، ءوندىرىستى ارتتىرۋ، كۇردەلى ءارى تەحنولوگيالىق ەكونوميكاعا يەك ارتۋ; ادام كاپيتالىن دامىتىپ، ينۆەستيتسيا مەن ءبىلىمنىڭ جاڭا ءتۇرىن قالىپتاستىرۋ; ەكونوميكانى جاسىلداندىرىپ، قورشاعان ورتانى قورعاۋ; مەملەكەتتىڭ نەگىزدەلگەن شەشىمدەر قابىلداپ، قوعام الدىندا سول ءۇشىن جاۋاپ بەرۋىن قامتاماسىز ەتۋ – باسىمدىقتار قاتارىنا كىرەدى.
سونىمەن قاتار، پرەزيدەنت قاسىم-جومارت كەمەلۇلى توقاەۆ ءوز جولداۋىندا مەملەكەتىمىزدىڭ ەكونوميكالىق الەۋمەتىن كوتەرۋ مادەني رۋحاني دامۋىن جەتىلدىرۋ حالىقتىڭ تۇرمىس جاعدايىن جاقسارتۋ ماسەلەلەرىنە بارىنشا نازار اۋداردى. قازاقستان رەسپۋبليكاسىنىڭ پرەزيدەنتىنە تىكەلەي باعىناتىن ستراتەگيالىق جوسپارلاۋ جانە رەفورمالار اگەنتتىگى قۇرىلىپ ەلىمىزدىڭ جاقسى وركەندەپ دامۋىنىڭ كورسەتكىشتەرىن ناقتىلاپ جاساۋ جۇزەگە اسىرىلدى. مەملەكەتتىك قىزمەتكەرلەردىڭ سانى ەكى جىلعا 25%-عا قىسقارىپ، ولاردىڭ جالاقىسى كوتەرىلىپ، جاۋاپكەرشىلىگىن ارتتىرۋ مالەسى قوزعالدى.
الداعى ۋاقىتتا مەملەكەت باسشىسى مەجەلەپ بەرگەن باعىتتى نىق ۇستاپ، ەكونوميكامىزدى جاقسارتۋ جولىندا جۇمىلعان جۇدىرىقتاي جيناقى جۇمىس ىستەۋىمىز قاجەت.
سالتانات اۋتەنوۆا، قارجىگەر.
"ادىرنا" ۇلتتىق پورتالى
