Memleket basshysy Q.K.Toqaev altynshy shaqyrylymdaǵy Parlamenttiń 6-sessııasyna qatysyp, Qazaqstan halqyna arnaǵan kezekti Joldaýyn jarııalady.
Qoǵamda kópten beri talqylanyp kele jatqan jerge baılanysty jerimizdiń sheteldikterge satylmaıtynyn málimdep, el Úkimetine aýyl sharýashylyǵy jerlerin tolyqqandy ekonomıkalyq aınalymǵa engizýdiń ózge ádis-tásilderin ázirleý boıynsha naqty tapsyrma berdi.
Memleket basshysy Qazaqstannyń ekonomıkalyq baǵyty 7 negizge súıený kerektigin meńzep, ekonomıka halyqtyń ál-aýqatyn jaqsartýǵa jumys isteýi tıistigine toqtaldy. Prezıdentiniń aıtýynsha, ıgilik pen mindetti teń bólý, jeke kásipkerliktiń jetekshi róli, jańa kásipkerlerge arnalǵan naryqty qalyptastyryp, ádil básekelestikke jaǵdaı jasaý – negizgi baǵyttar qatarynda bolmaq. Sonymen qatar, óndiristi arttyrý, kúrdeli ári tehnologııalyq ekonomıkaǵa ıek artý; adam kapıtalyn damytyp, ınvestıııa men bilimniń jańa túrin qalyptastyrý; ekonomıkany jasyldandyryp, qorshaǵan ortany qorǵaý; memlekettiń negizdelgen sheshimder qabyldap, qoǵam aldynda sol úshin jaýap berýin qamtamasyz etý – basymdyqtar qataryna kiredi.
Sonymen qatar, Prezıdent Qasym-Jomart Kemeluly Toqaev óz joldaýynda memleketimizdiń ekonomıkalyq áleýmetin kóterý mádenı rýhanı damýyn jetildirý halyqtyń turmys jaǵdaıyn jaqsartý máselelerine barynsha nazar aýdardy. Qazaqstan Respýblıkasynyń Prezıdentine tikeleı baǵynatyn strategııalyq josparlaý jáne reformalar agenttigi qurylyp elimizdiń jaqsy órkendep damýynyń kórsetkishterin naqtylap jasaý júzege asyryldy. Memlekettik qyzmetkerlerdiń sany eki jylǵa 25%-ǵa qysqaryp, olardyń jalaqysy kóterilip, jaýapkershiligin arttyrý málesi qozǵaldy.
Aldaǵy ýaqytta Memleket basshysy mejelep bergen baǵytty nyq ustap, ekonomıkamyzdy jaqsartý jolynda jumylǵan judyryqtaı jınaqy jumys isteýimiz qajet.
Saltanat Aýtenova, qarjyger.
"Adyrna" ulttyq portaly
