Qazaqstan Respýblıkasynyń memleket qaıratkeri, qazaq dıplomaty Dáýren Abaev "Sóztúzer" atty qate qoldanystaǵy sózdiktiń tusaýkeserin ótkizdi, dep habarlaıdy "Adyrna" tilshisi.
"Sóztúzer" - qate qoldanystar sózdigi BAQ-taǵy memlekettik tildiń qoldanysyn retteýge jáne ana tildiń tazalyǵyn saqtaýǵa arnalǵan joba.
"Sońǵy kezde qazaqsha baspasóz ben telearnalarda ártúrli qatelerdiń beleń alǵany jıi aıtylyp júr. Ýaqyt ótken saıyn ondaı qateler kúndelikti qoldanysqa enip ketýi múmkin. Odan ana tilimizdiń tabıǵaty buzylyp, saýattylyq deńgeıiniń tómendeýi yqtımal. Sondyqtan biz osy máseleni sheshý úshin bedeldi ǵalymdar men til mamandary birigip osy sózdikti jaryqqa shyǵardyq", deıdi Dáýlet Abaev.
Sózdikti jasaý jumysy byltyr mamyr aıynan bastap qolǵa alynǵan. Sózdikte jıi kezdesetin 2000-nan astam qate qoldanystar jınaqtalǵan. Olar jan-jaqty túsindirilip durys nusqasy kórsetilgen. Kóbine júıeli qateler iriktelgen.
"Adyrna" ulttyq portaly
