بۇگىنگى كۇنى ماڭعىستاۋ وبلىسىندا سپورتتى دامىتۋدا سپورتشىلاردىڭ تالابىن قاناعاتتاندىرۋ، تۇرعىنداردىڭ بوس ۋاقىتتارىن دۇرىس ۇيىمداستىرۋ، بۇقارالىق سپورت پەن سالاۋاتتى ءومىر سالتىن ناسيحاتتاۋ ماقساتىندا جۇمىستار جۇيەلى تۇردە اتقارىلىپ كەلەدى.
وسى ورايدا بيىل ماڭعىستاۋ وبلىسى تۇپقاراعان اۋدانى اقشۇقىر اۋىلىندا 160 ورىندىق دەنە شىنىقتىرۋ-ساۋىقتىرۋ سپورت كەشەنى سالىنۋدا. قۇرىلىسى قارقىندى ءجۇرىپ جاتقان سپورت كەشەنىنىڭ جۇمىس بارىسىمەن ءوڭىر باسشىسى سەرىكباي ترۇموۆ تۇپقاراعان اۋدانىنا جاساعان جۇمىس ساپارىندا تانىستى.
جوسپار بويىنشا سپورتتىڭ 11 ءتۇرىن (فۋتبول، ۆولەيبول، باسكەتبول، قازاقشا كۇرەس، دزيۋدو، بوكس، گيمناستيكا، اسىق اتۋ، ساداق اتۋ، توعىزقۇمالاق) دامىتۋ جۇزەگە اسۋى ءتيىس سپورت كەشەنى الداعى كۇز ايلارىندا حالىق يگىلىگىنە بەرىلەتىن بولادى.
22 جاتتىقتىرۋشىمەن قامتىلاتىن سپورت كەشەنىنىڭ قابىرعاسىنان بولاشاق الەم چەمپيوندارىن شىعارۋ كوزدەلىپ وتىر.
قۇرىلىس جۇمىستارىن ارالاعان ءوڭىر باسشىسى سەرىكباي ترۇموۆ:
— كەشەننىڭ ساپالى بولۋىن ەڭ باستى نازاردا ۇستاۋىمىز قاجەت. بۇقارالىق سپورت - حالىق دەنساۋلىعىنىڭ كەپىلى، سپورتتاعى جەتىستىك اتاۋلىنىڭ باسپالداعى، — دەدى.
"ادىرنا" ۇلتتىق پورتالى.
