Búgingi kúni Mańǵystaý oblysynda sportty damytýda sportshylardyń talabyn qanaǵattandyrý, turǵyndardyń bos ýaqyttaryn durys uıymdastyrý, buqaralyq sport pen salaýatty ómir saltyn nasıhattaý maqsatynda jumystar júıeli túrde atqarylyp keledi.
Osy oraıda bıyl Mańǵystaý oblysy Túpqaraǵan aýdany Aqshuqyr aýylynda 160 oryndyq dene shynyqtyrý-saýyqtyrý sport kesheni salynýda. Qurylysy qarqyndy júrip jatqan sport kesheniniń jumys barysymen óńir basshysy Serikbaı Trumov Túpqaraǵan aýdanyna jasaǵan jumys saparynda tanysty.
Jospar boıynsha sporttyń 11 túrin (fýtbol, voleıbol, basketbol, qazaqsha kúres, dzıýdo, boks, gımnastıka, asyq atý, sadaq atý, toǵyzqumalaq) damytý júzege asýy tıis sport kesheni aldaǵy kúz aılarynda halyq ıgiligine beriletin bolady.
22 jattyqtyrýshymen qamtylatyn sport kesheniniń qabyrǵasynan bolashaq álem chempıondaryn shyǵarý kózdelip otyr.
Qurylys jumystaryn aralaǵan óńir basshysy Serikbaı Trumov:
— Keshenniń sapaly bolýyn eń basty nazarda ustaýymyz qajet. Buqaralyq sport - halyq densaýlyǵynyń kepili, sporttaǵy jetistik ataýlynyń baspaldaǵy, — dedi.
"Adyrna" ulttyq portaly.
